Qazaqstan azamattary Tájikstanda, tájikstandyqtar qazaq elinde 30 kúnge deiin tirkeýsiz júre alady. Bul týraly Parlament Senatynyń jalpy otyrysynda QR Ishki ister ministri Qalmuhanbet Qasymov málim etti, dep habarlaidy "Ult aqparat".
Atap aitqanda, otyrysta «Qazaqstan Respýblikasynyń Úkimeti men Tájikstan Respýblikasynyń Úkimeti arasyndaǵy Qazaqstan Respýblikasy azamattarynyń Tájikstan Respýblikasynyń aýmaǵynda jáne Tájikstan Respýblikasy azamattarynyń Qazaqstan Respýblikasynyń aýmaǵynda bolý tártibi týraly kelisimdi ratifikatsiialaý týraly» QR Zańy qabyldandy.
Kelisimge 2018 jyly 14 naýryzda Astana qalasynda qol qoiylǵan edi.
«Kelisim azamattardyń eki tarap aýmaǵynda 30 kúnge deiin tirkeýsiz jáne taraptar aýmaǵynda jalpy 90 kún bolýyn kózdeidi. Kelisimdi ratifikatsiialaý taraptardyń aýmaǵyndaǵy azamattardyń bolý máselelerin quqyqtyq retteýge múmkindik beredi. 2018 jyly shildede kelisim Tájikstan parlamentimen ratifikatsiialanǵan. Bul zańdy qabyldaý - áleýmettik-ekonomikalyq jáne quqyqtyq teris saldarǵa ákep soqpaidy», - dedi QR Ishki ister ministri Qalmuhanbet Qasymov.
