Memleket basshysynyń bastamasymen «Taza Qazaqstan» jalpy respýblikalyq aktsiiasyn iske asyrý jáne «Almaty – bizdiń ortaq úiimiz» naýqanyn jalǵastyrý aiasynda biyl 26 maýsym men 6 shilde aralyǵynda sýburqaqtardy, ózender men sý aidyndary jaǵalaýlaryn, aryq jelisi, qoqys alańdary, aǵashty sanitarlyq maqsatta kesý, jol infraqurylymyn (aialdama keshenderi, baǵdarsham nysandary, jol kórsetkishteri men belgileri) tazartý boiynsha «Almaty Jazy» aktsiiasy bastaldy.
Almatyda 150 sýburqaq bar, onyń 66 kommýnaldyq (60-y shtattyq rejimde, 6-y qaita jańartylyp jatyr) jáne 84-i jeke aýmaqta. Kommýnaldyq menshiktegi sýburqaqtar 1 mamyrdan 25 qazanǵa deiin kún saiyn saǵat 8:00-den 23:00-ge deiin profilaktikalyq is-sharalar (tazalaý, jabdyqtardy tekserý) kezinde óshirilip, kestemen jumys isteidi. Sýburqaqty tazalaý kestesine sáikes, sýburqaqtyń sýy ai saiyn aǵyzylyp, jabdyqtar tekserilip, arnaiy quraldarmen tostaǵany jýylyp, tazartylady. Keide kommýnaldyq sýburqaqtar apattyq-qalpyna keltirý jumysyn júrgizý jáne aǵymdaǵy jóndeý (kabeldi aýystyrý, sorǵylar men qozǵaltqyshtardy aýystyrý nemese jóndeý, gidrooqshaýlaý, qaptamany jóndeý) úshin óshiriledi.
Jeke aýmaqta ornalasqan sýburqaqtardyń jaǵdaiy máz emes, qaraýsyz qalǵan, jumys istemeidi nemese menshik iesinde qarjynyń bolmaýyna bailanysty kúrdeli jóndeýdi talap etedi. «Almaty Jazy» aktsiiasy aiasynda jeke sýburqaqtar qalalyq nysandarmen birge retke keltiriledi.
Aktsiia barysynda uzyndyǵy 1525 km qalanyń aryq jelilerin tazartý jumystary kúsheitiledi. Kún saiyn aryq jelisinen shamamen 250 m3 lai jáne qoqys shyǵarylady. Júrgizilip jatqan sharalarǵa qaramastan, aryqtar nóser jańbyr kezinde turǵyndar tastaǵan qoqystarmen, qaldyqtarmen bitelip, jergilikti sý tasqynyna sebep bolyp otyr. Buryn habarlanǵandai, tazartý jumystary kezinde kommýnaldyq qyzmet aryqtan jańbyr sýynyń kedergisiz aǵyp ketýine kedergi keltiretin paidalanylǵan jórgekterdi, eski zattardy, ydys-aiaqty, tipti úlken kólemdi zattardy – kólik dóńgelekteri men qurylys qoqystaryn taýyp alǵan.
«Almaty Jazy» aktsiiasy aiasynda 624 aialdama keshenin, 222 baǵdarsham nysanyn, 2 181 jol belgilerin shańnan jáne lastanýdan tazartý (jýý), ózen jaǵalaýy men sý aidyndary aýmaǵyndaǵy shamamen 250 sharshy km jerdi qoqystan tazartý josparlanýda.
Jazǵy kezeńde aýlaishilik aýmaqta qoqys konteinerleriniń tez tolýy ózekti másele bolyp otyr, osyǵan bailanysty 1 454 konteinerlik alańdy sanitarlyq óńdeý, 700 konteinerlik alańdy jýý jáne dezinfektsiialaý, sondai-aq 24 747 kóshe jáne aýladaǵy qoqys jáshikteri tazartylady.
Jazǵy maýsymdyq is-sharanyń biri aǵashtardy sanitarlyq maqsatta kesý. Apatty jaǵdaidaǵy aǵash adamǵa jáne múlikke úlken qaýip tóndiredi. Osyǵan bailanysty aýrý jáne qýraǵan aǵashtyń butaqtaryn sanitarlyq maqsatta kesý daýyl, qatty jel men nóser kezinde butaqtardyń qulaý qaýpin azaitady. «Almaty Jazy» aktsiiasy barysynda 6 myńǵa jýyq aǵashty sanitarlyq maqsatta kesý josparlanyp otyr.
Osylaisha, «Almaty Jazy» aktsiiasy «Almaty – bizdiń ortaq úiimiz» naýqanynyń jazǵy ýaqyttaǵy jalǵasy bolady. Esterińizge sala keteiik, «Almaty – bizdiń ortaq úiimiz» naýqanynyń basty maqsaty – qalalyq infraqurylym men ortaq múlikke uqypty qaraý qundylyǵyn qalyptastyrý, el arasynda joǵary azamattyq jaýapkershilik pen ekologiialyq mádenietti tárbieleý, jeke ekologiialyq bastamalardy qoldap, olardy iske asyrýǵa jaǵdai jasaý.
