Jetisý oblysynda «Taza Qazaqstan» respýblikalyq ekologiialyq aktsiiasy aiasynda tazalyq sharalary turaqty úrdiske ainalyp, jalǵasyp jatyr. Oblys turǵyndarynyń keń qoldaýyna ie bolǵan bul ekologiialyq bastamaǵa 172 myńnan astam adam qatysyp, túrli tazalyq sharalaryna atsalysty.
Jastardyń ekologiialyq mádenieti
8 tamyz kúni oblysta birqatar ataýly sharalar uiymdastyryldy. Sonyń ishinde, Halyqaralyq jastar kúni qarsańynda «Jetisý jastary» KMM jáne «Jasyl el» eńbek jasaqshylarymen birlese otyryp, «Jasyl el» - eko kvesti ótti. Bul sharanyń maqsaty – jastar arasynda qorshaǵan ortany qorǵaý mádenietin qalyptastyrý jáne olardy ekologiialyq belsendilikke tartý. Kvest Taldyqorǵan qalasynyń Ortalyq Arbatynda saltanatty túrde bastalyp, ortalyq bazar mańynda jalǵasyn tapty.
Taldyqorǵan qalalyq jastar ortalyǵynyń jetekshisi Erkebulan Jaqannyń aitýynsha, jastardy igi isterge tartý olardyń qyzyǵýshylyqtaryn eskerý arqyly júzege asady. «Jasyl el» - eko kvesti osynyń bir mysaly, mundai sharalar jastardyń týǵan jerine degen jaýapkershiligin arttyryp, ekologiialyq mádenietti nyǵaitady.
Sport pen ekologiia: «Workout Taza Qazaqstan úshin»
Qazirgi tańda jastar arasynda aýla sportyna degen qyzyǵýshylyqtyń artýyna bailanysty, Taldyqorǵan qalasynda «Workout Taza Qazaqstan úshin» sporttyq sharasy ótkizildi. Bul shara salaýatty ómir saltyn nasihattaýmen qatar, jastardy tazalyqty saqtaýǵa úndedi. Sporttyq jarys sońynda qatysýshylar alań mańyn qoqystardan tazalap, ár jas sportshynyń birinshi mindeti tazalyq pen jaýapkershilik ekendigin eske saldy.
Aýdandardaǵy ekologiialyq bastamalar
Jetisý oblysynyń basqa aýdandarynda da ekologiialyq sharalar belsendi túrde ótti. Tekeli qalasynda «Tazalike» eko-chellendji, Alakól aýdanynda «Alakol clean» ekologiialyq-shyǵarmashylyq baiqaýy, Sarqan aýdanynda «Sarqan Green Battle» sharasy, jáne Kerbulaq aýdanynda «Tatý kórshiler – Taza Qazaqstan úshin» aktsiiasy ótkizildi.
Bul sharalar túrli formatta uiymdastyryldy: eko-estafetalar, kvestter, sýret baiqaýlary, jáne suraq-jaýap oiyndary arqyly qatysýshylardyń ekologiialyq bilimderi men daǵdylary jetildirildi. Aýdandyq jáne aýyldyq deńgeide ótken bul bastamalar óńirdiń ár turǵynyna tazalyq pen ekologiialyq jaýapkershiliktiń mańyzdylyǵyn kórsetip, olardy osy igi iske qatysýǵa shaqyrdy.
Jetisý oblysynda «Taza Qazaqstan» aktsiiasynyń nátijeleri
«Taza Qazaqstan» aktsiiasy aiasynda Jetisý oblysynda aýqymdy jumystar atqaryldy. Jalpy 1187 tehnika jumyldyrylyp, 7055 tonna qoqys shyǵaryldy, 22255 km aryq jelisi tazalandy. Sonymen qatar, 25 826 m² avtomobil joldaryna aǵymdaǵy jóndeý jumystary júrgizildi. Oblys aýmaǵynda aktsiia kezinde 29 514 túp kóshet otyrǵyzyldy.
Atalǵan jumystar oblystyń ár aýmaǵyn qamtyp, jyl sońyna deiin jalǵasyn tabatyn bolady.
