Foto: Gov.kz
Prezidenttiń «Taza Qazaqstan» bastamasy: Premer-ministr memlekettik organdardyń jumysyn baqylaýǵa aldy, dep habarlaidy Ult.kz.
Qazaqstan Premer-ministri Oljas Bektenov Memleket basshysy Qasym-Jomart Toqaevtyń «Taza Qazaqstan» bastamasyn júzege asyrý máselelerine arnalǵan keńes ótkizdi.
Keńeste Ekologiia jáne tabiǵi resýrstar ministri Erlan Nysanbaev tabiǵatty qorǵaý is-sharalarynyń barysy, aǵash otyrǵyzý, zańsyz qoqys alańdaryn joiý jáne QTQ óńdeý jobalary boiynsha esep berdi. Sonymen birge Premer-ministrdiń orynbasary – Mádeniet jáne aqparat ministri Aida Balaeva, Ǵylym jáne joǵary bilim ministri Saiasat Nurbek jáne Oqý-aǵartý ministri Juldyz Súleimenova halyq arasynda ekologiialyq mádenietti qalyptastyrý jumystaryn tanystyrdy.
Oljas Bektenov keńeste:
«Prezidenttiń “Taza Qazaqstan” bastamasy – tek aǵash otyrǵyzý men qoqys tazartý emes. Bul – tabiǵatty qorǵaý ideiasyna búkil qoǵamdy biriktirýge baǵyttalǵan jalpyulttyq qozǵalys. Jańa ekologiialyq mádeniet qalyptastyrý – bizdiń basty mindetimiz», – dedi.
Negizgi nátijeler
-
2024 jyly respýblika boiynsha 1 250 ekologiialyq is-shara ótti.
-
2,8 mln-nan astam aǵash otyrǵyzyldy, jalpy kommýnaldyq qyzmetpen birge – 3,8 mln.
-
Búginge deiin 18 mln aǵash otyrǵyzylyp, 2025 jylǵa arnalǵan Prezident tapsyrmasy oryndaldy.
-
1 mln gektardan astam aýmaq tazartyldy, 800 myń tonna qaldyq jinaldy.
Zańsyz qoqys poligondarymen kúres
-
Biyl ǵaryshtyq monitoring 3 833 zańsyz poligon anyqtady, olardyń 80%-y joiyldy.
-
165 laýazymdy tulǵa jaýapkershilikke tartylyp, 12,4 mln teńge aiyppul salyndy.
-
@TazaQazBot arqyly túsken 24 myń ótinishtiń 23 myńy oryndaldy.
Qaldyqtardy óńdeý infraqurylymy
-
Óńirlerde 8 jańa QTQ poligony ashyldy.
-
Quny 89,4 mlrd teńge bolatyn 22 joba júzege asyrylýda.
-
Jalpy jospar boiynsha 100 jańa poligon salý kózdelgen.
-
Astana, Almaty jáne Shymkentte 3 qoqys órteý zaýyty salý boiynsha kelisimder jasaldy (jalpy quny – 293 mlrd teńge).
Premer-ministr barlyq baǵyt boiynsha jumysty kúsheitýdi jáne jańa ekologiialyq mádenietti qalyptastyrýǵa qoǵamdy keńinen tartýdy tapsyrdy.
