Almatyda «Taza Qazaqstan» respýblikalyq baǵdarlamasy aiasynda kógaldandyrý jáne ekologiialyq jaǵdaidy jaqsartý boiynsha jumystar qyzý júrgizilip jatyr.
Qalada 4 millionǵa jýyq aǵash ósedi, biraq olardyń edáýir bóligi jańartýdy qajet etedi: 485 myń aǵash qýraǵan, al 84 myńy apatty jaǵdaida dep sanalady. Bul aǵashtar negizinen qalanyń ortalyq bóliginde shoǵyrlanǵan jáne turǵyndar men qorshaǵan ortaǵa qaýip tóndiredi.
Qaýipsizdikti qamtamasyz etý jáne jasyl qordy jaqsartý maqsatynda apatty jaǵdaidaǵy aǵashtardy kesýdiń besjyldyq jospary ázirlendi (2022 jyly jasalǵan), oǵan sáikes kesiletin aǵashtardyń kólemi birtindep kóbeiedi. Mysaly, 2022 jyly Almaty qalasynda 6,7 myń aǵash kesildi, al 2023-2025 jyldary jyl saiyn 17 myń aǵashty kesý josparlanǵan. 2026 jyly apatty jaǵdaidaǵy 27 myń aǵashty kesý josparlanyp otyr.
Jasyl qordyń tepe-teńdigin saqtaý maqsatynda kesilgen aǵashtardyń ornyna on ese kóp tal otyrǵyzylady. Biyl 173 myń aǵash otyrǵyzý josparlansa, 2026 jylǵa qarai bul kórsetkish 270 myńǵa jetpek.
Sondai-aq, aýdandyq ákimdikter aǵashtardy sanitarlyq maqsatta kesip jatyr. Bul sharalar qalanyń estetikalyq ári ekologiialyq sapasyn arttyryp qana qoimai, qaýipsizdikti qamtamasyz etýde jáne turǵyndarǵa qolaily jaǵdai jasaýda mańyzdy ról atqarady.
Eske salaiyq, Qala kúni qarsańynda Almatyda Tazalyq aptalyǵy ótip jatyr. 9-13 qyrkúiek aralyǵynda «Almaty – bizdiń ortaq úiimiz» qalalyq naýqany men respýblikalyq «Taza Qazaqstan» baǵdarlamasy aiasynda kóshelerdi, aýlalardy, sýburqaqtardy, ózen jaǵalaýyn, saiabaqtar men skverlerdi, sondai-aq taý bókterin tazalaý boiynsha aýqymdy jumystar jalǵasyp otyr.
Qala kúnin merekeleýge arnalǵan is-sharalar almaty.kz saitynda, sondai-aq ákimdiktiń Instagram paraqshasynda, Almaty mádeniet basqarmasy men aýdandyq ákimdikterdiń resmi paraqshalarynda jariialanǵan. Eskerteiik, azdaǵan ózgerister bolýy múmkin. Aqparatty ákimdiktiń resmi internet-resýrstary arqyly baqylap otyrýdy suraimyz.
Aita ketý kerek, Almaty ekonomikasy turaqty ósý ústinde. Jarty jylda 715 mlrd teńge investitsiia tartyldy. Jyl basynan beri 32 myńnan astam jańa jumys orny quryldy. Almatynyń JÓÓ 2024 jyly 4,7% - ǵa ósti. Almatyda negizgi kapitalǵa salynǵan investitsiialar kólemi 15,8% - ǵa ulǵaidy. Jyl basynan beri Almaty Business Development Company qalanyń biznesin damytý boiynsha 14 myńnan astam konsýltatsiia ótkizdi, 208 ruqsat qujattaryn alýǵa kómek kórsetildi, 112 biznes-jospar ázirlendi, 1,5 mlrd teńgege 37 jobany qarjylandyrýǵa yqpal etildi. «Almaty Business Development Company» Almaty qalasynyń biznesti damytý kompaniiasy» JShS Almaty qalasynda investitsiialar tartý jáne investorlarǵa yqpal etý salasyndaǵy óńirlik uiym bolyp tabylady.
