Hýalian ýezindegi týnnel mańynda bolǵan poiyz apatynan qaza tapqandar sany 48-ge jetti, taǵy 118 jolaýshy aýrýhanaǵa jatqyzyldy. Qutqarý jumystary jalǵasýda, dep habarlaidy QazAqparat TaiwanNews-ke silteme jasap.
Temirjol apaty Hýalian ýeziniń aýmaǵynda taý týnneline kire beriste oryn alǵan. Taroko Express poiyzynyń segiz vagonynda 350 jolaýshy bolǵan. Aldyn ala málimetter boiynsha, poiyz eńisten tómen qarai kele jatqan qurylys mashinasymen soqtyǵysqan. Saldarynan ekinshi jáne úshinshi vagon relsten shyǵyp ketken, týnnel qabyrǵasyna soǵylyp deformatsiialanǵan.
Qaza tapqandardyń kópshiligi sońǵy eki vagonnan tabyldy, dep habarlady Taivan temirjol ákimshiligi. El úkimeti shuǵyl kómek ortalyǵyn qurdy.
