Juma kúni tańerteń bolǵan jolaýshylar poiyzy men júk kóliginiń soqtyǵysýy saldarynan kem degende 36 adam qaza taýyp, 72 adam túrli jaraqat aldy, dep habarlaidy Reuters agenttigi.
Taibei-Taitýng marshrýty boiynsha baǵyt alyp bara jatqan ekspress poiyz Hýalian ýeziniń soltústiginde relsten shyǵyp ketken.
Habarlama dereginshe, poiyz kóbine týristerdi tasyǵan. Oqiǵa kezinde poiyzda shamamen 350-ge jýyq adam bolǵan.
Aldyńǵy tórt vagondaǵy 80-100 adam sátti evakýatsiialandy, basqa vagondarǵa jetý múmkindigin deformatsiia qiyndatyp otyr dep habarlandy.
Eldiń Ortalyq telegraf agenttiginiń dereginshe, apat turaqqa durys turmaý saldarynan poiyz jolyna qulap túsken júk avtomobilimen soqtyǵysý nátijesinde bolýy múmkin.
Relsten shyǵyp ketken poiyzdyń janyndaǵy júk kóliginiń qaldyǵy sýretke túsirilgen.
Temirjol ákimshiliginiń málimetinshe, poiyzdyń aldyńǵy bóligi úńgirjoldyń tysqary betinde qalǵan.
Qazirgi kezde úńgirjoldyń ishki jaǵynda qalǵan jolaýshylardy qutqarý boiynsha jumystar júrgizilip jatyr.
Apat Tsinmin dástúrli merekesiniń qarsańynda boldy dep habarlanady.
