Foto: AFP
Iran men Izrail arasyndaǵy shielenis kúsheiip, áýe shabýyldary tórtinshi kún qatarynan jalǵasýda, dep habarlaidy Ult.kz.
Izraildiń jeksenbi kúni Tegeranǵa jasaǵan soqqysynyń saldarynan úsh kún ishinde 224 adam qaza taýyp, 1200-den astam adam jaraqat aldy. Zymyran soqqylarynan úreilengen Tegeran turǵyndary qaladan ketýge árekettenýde.
Búgin Irannyń Izrailge jasaǵan zymyran shabýyldary nátijesinde 3 adam qaza taýyp, 35 adam jaraqat aldy. Raketalar Haifa, Petah-Tikva jáne Tel-Avivtegi kópqabatty úilerge tústi. Sondai-aq, jeksenbi kúni Bat-Iam qalasynda 10 adamnyń denesi tabyldy.
Iran Izrail tolyq joiylǵanǵa deiin oǵan qarsy operatsiialaryn jalǵastyrmaq niette. Bul týraly Islam revoliýtsiiasy saqshylar korpýsynyń (IRSK) málimdemesinde aitylǵan.
Eki el arasyndaǵy qaqtyǵys ótken jumada Izraildiń Irannyń iadrolyq nysandaryna soqqy berýimen bastalǵan.
