Resei Federatsiiasynyń Qorǵanys ministri Sergei Shoigý men Túrkiia áskeri bóliminiń basshysy Hýlýsi Akardyń beinebailanys arqyly sóilesti. Júrgizilgen kelissózdiń qorytyndysy boiynsha Taýly Qarabaqtaǵy qaqtyǵysty toqtatýdy baqylaý jónindegi birlesken resei-túrik ortalyǵyn qurý týraly memorandýmǵa qol qoiyldy. Bul týraly TASS agenttigi habarlady.
«Kelissózder qortyndysy boiynsha Taýly Qarabaq qaqtyǵys aimaǵynda atysty toqtatý jáne barlyq áskeri is-qimyldardy baqylaý boiynsha birlesken ortalyq qurý týraly memorandýmǵa qol qoiyldy», - dep habarlady áskeri vedomstvodan.
Memorandýmda monitorng boiynsha birlesken rrtalyqtyń mindetteri men printsipteri aiqyndaldy.
Resei Qorǵanys ministrligi habarlaǵandai, Shoigýdyń pikirinshe, Resei men Ázerbaijan prezidentteri men Armeniia premer-ministri qol jetkizgen kelisimder, sondai-aq reseilik bitimgerlerdi qaqtyǵys aimaǵyna engizý atysty, qantógisti toqtatýǵa jáne beibit ómirge oralýǵa jaǵdai jasaýǵa múmkindik berdi.
Atysty toqtatýdy baqylaý jónindegi birlesken ortalyq Ázerbaijan aýmaǵynda ornalasady. Ortalyq qol jetkizilgen ýaǵdalastyqtardy buzýǵa bailanysty kez kelgen shaǵymdardy, máselelerdi qarastyratyn organ bolady.
Eske salsaq, 10 qarashada Taýly Qarabaqta atysty toqtatý týraly málimdemege qol qoiyldy. Sondai-aq, Qazaqstan Respýblikasy Syrtqy ister ministrligi Taýly Qarabaqtaǵy jaǵdaiǵa qatysty málimdeme jasady.
