Zańnamaǵa engizý usynylyp otyrǵan ózgerister qabyldansa, 1991 jyly Taýly Qarabaqtaǵy shieleniske qatysqan 593 adam ardager mártebesin alýy múmkin, dep habarlaidy QazAqparat.
QR Eńbek jáne halyqty áleýmettik qorǵaý vitse-ministri Rýslan Sákeev ortalyq kommýnikatsiialar qyzmetinde ótken brifingide osyndai derek keltirdi.
«Biyl Qazaqstan Respýblikasynyń keibir zańnamalyq aktilerine múgedektigi bar adamdardyń ómir súrý sapasyn jaqsartý máseleleri boiynsha ózgerister men tolyqtyrýlar engizý týraly zań jobasynyń sheńberinde Taýly Qarabaqtaǵy urys qimyldary merzimin 1991 jyldyń sońyna deiin ulǵaitý kózdelýde. Nátijesinde «ardager» mártebesin Taýly Qarabaqtaǵy etnosaralyq qaqtyǵysty retteýge qatysqan qosymsha 593 áskeri qymetshi alady. Jalpy 2022 jyly Qazaqstanda 98 100 ardager memlekettik qoldaý sharalarymen qamtyldy», - dedi Rýslan Sákeev.
Onyń sózine qaraǵanda, Eńbek ardageri mártebesine úmitker adamdardyń sanaty da zań boiynsha keńeitilgen.
«Memleket turaqty negizde áleýmettik zańnamany jetildirý boiynsha sharalardy júieli qabyldap otyrady. Osylaisha 2020 jyldaǵy qabyldaǵanǵan zań ardagerlerdiń jańadan engizilgen sanatttaryna jatatyn 11 myńnan astam adam úshin Tájikstan-Aýǵanstan ýchaskesinde, TMD shekarasyn kúsheitýge, Taýly Qarabaqtaǵy etnosaralyq qaqtyǵysty retteýge, Iraktaǵy bitimgershilik operatsiiasyna qatysqan áskeri qyzmetkerlerge ai saiyn áleýmettik járdemaqy alýǵa úmkindik beredi. Sondai-aq, ardagerlerge usynylatyn búkil jeńildikter men kepildikterdi paidalanýǵa múmkindik beriledi. Budan basqa 2021 jylǵy Ardagerler týraly zań boiynsha, «Eńbek ardageri» medalimen marapattalǵan, 40 jyldan astam, onyń ishinde salada 10 jumys ótili bar, eńbek qyzmetinde joǵary nátijelerge qol jetkizgen jáne zeinet jasyna jetken adamdardy eńbek adagerlerine jatqyzý máselesi engizilgen», - dedi vitse-ministr.
