1991 jyldan bastap 2016 jyldyń birinshi jartyjyldyǵyna deiin elimizge shetelden shamamen 1 mln-ǵa jýyq etinkalyq qazaq qonys aýdardy, dep habarlaidy Ult.kz tilshisi «Atameken» QR Ulttyq kásipkerler palatasynyń basqarma tóraǵasynyń orynbasary Murat Ábenovtiń Shyntóbe pikirtalas klýbynyń alǵashqy otyrysyndaǵy sózine silteme jasap.
1995 jyly «Qazaq diasporasyn qoldaý boiynsha memlekettik baǵdarlama» ázirlendi. Jańa zańnama qazaqstandyq azamattyqty alýǵa jeńildikter jasady. 24 jyl ishinde etinikalyq qazaqtardyń tarihi Otanyna oralýyna jaǵdailardy jaqsartý boiynsha normativtik-quqyqtyq aktilerge ózgerister engizilip otyrdy. Búgin qazaq diasporasynyń ókilderi álemniń shamamen 40 elinde ómir súrip jatyr.
«1991 jyldan bastap 2016 jyldyń birinshi jartyjyldyǵyna deiin elimizge shetelden shamamen 1 mln-nan astam etnikalyq qazaqtar keldi, áleýmettik memlekettik baǵdarlamalar qabyldandy. Mólsherlep taldaý jasadyq: barlyq kelgenderdiń 75%- TMD elderiniń ókilderi jáne 25% basqa elderden kelgender. Olar kóbinese Ózbekstan, Qytai jáne Mońǵoliiadan kelgender», - dedi M.Ábenov.
1991 jyldan bastap 2016 jyldyń 1 qańtar aiyna deiin tarihi Otanyna 261 104 otbasy nemese 957 772 etnikalyq qazaq keldi, bul jalpy elimizdegi halyqtyń 5,5% quraidy. Qazaqstardyń 61,6% Ózbekstannan keldi, 14,2% - Qytaidan, 9,2% - Mońǵoliiadan, 6,8% – Túrkmenistannan, 4,6% - Reseiden jáne 3,6% basqa elderden keldi.
Oralmandardyń basym bóligi Ońtústik Qazaqstanǵa qonystandy – 21,2%, Almaty oblysynda - 16,3%, Mańǵystaý oblysynda - 13%, Jambyl oblysynda - 9,4% jáne basqa aimaqtarǵa - 40,1%. Etnikalyq qazaqstardyń ishindegi eńbekke qabilettileri 55,6%, 18 jasqa deiingi balalar 39,9% jáne zeinetkerler 4,5% quraidy. Eńbekke qabiletti etnikalyq qazaqtardyń ishinde 8,8% joǵary bilimi, 20,6% – orta bilimi, 60,8% - jalpy orta bilimi bar jáne 9,8% – bilimi joq.
Esterińizge sala keteiik, 2015 jylǵy 24 qarashada Meleket basshysy «Qazaqstan Respýblikasynyń halyqtyń kóshi-qony jáne jumyspen qamtylýy máseleleri boiynsha keibir zańnamalyq aktilerine ózgerister men tolyqtyrýlar engizý týraly» QR Zań jobasyna qol qoiǵan bolatyn.
Ult portaly
