QR Táýelsizdigi kúni Otyrar aýdany Temir aýyldyq mádeniet úiinde erekshe saltanatpen atalyp ótti. Temir jalpy orta mektebi ujymynyń uiymdastyrýymen ótken «Táýelsizdik tutqasy bizge amanat» atty saltanatty jiynda mekteptiń «Ájeler alqasynan» quralǵan «Aq ájeler» ansambli tamasha ándi tartý etse, «halyq aspaptary» orkestri kúmbirlegen kúi tartyp, mekteptiń ónerpaz oqýshylary patriottyq ánderdi shyrqady.
Merekelik sharada sóz alǵan aýdan basshysy: «Táýelsizdiktiń alǵashqy jyldarynan-aq elimiz egemendiktiń eń negizgi alǵysharttaryn jasai aldy. Bárinen buryn kópultty, kóptildi, kópdindi elde halyqtyń aýyz birligin saqtaýǵa qol jetkizildi. Qazaqstandy meken etken barlyq ulttardyń múddesin ortaqtastyra alǵany - Elbasymyzdyń danalyq saiasatynyń aiqyn aiǵaǵy edi. Ult Kóshbasshysynyń «Bolashaqqa baǵdar: Rýhani jańǵyrý» atty baǵdarlamasynyń jalǵasy retinde jariialanǵan «Uly dalanyń jeti qyry» atty maqalasy - kóptegen óshken dúnielerimizdi qaita jańǵyrtyp, tól tarihymyzdy tanýǵa baǵyttalǵan aýqymdy jobalar. Biz osy mindetterdi negizge ala otyryp búgingi urpaqtyń sanasyna rýhy asqaq qaharman elimizdiń úlgi tutarlyq erligi men ǵylym men mádeniettiń ortalyǵyna ainalǵan Uly dalamyzdyń bai muralaryn ónege etip tanytýymyz kerek. Bul óskeleń urpaqtyń eńsesi tik, rýhy biik bolyp jetilýine, egemen elimizdiń kemeldi el bolyp qalyptasýyna úlken yqpal etetini anyq, - dep, sharaǵa qatysýshylardy Táýelsizdik kúni merekesimen quttyqtady.
Ásem án men tátti kúi, ulttyq kiim kigen qyzdardyń myń buralǵan biine ulasqan saltanatty jiyn kontserttik baǵdarlamaǵa ulasyp, táýelsizdigimizdiń 27 jyldyq tarihymyzdy aishyqtaityn sazdy kompozitsiialyq kórinispen jalǵasyn tapty.
Táýelsizdik kúnine arnalǵan merekelik sharalar tús aýa Sh.Qaldaiaqov atyndaǵy mektep-gimnaziiasynda jalǵasty. «Táýelsizdik - Uly dala urpaqtaryna amanat» taqyrybyndaǵy tárbielik máni zor bul sharaǵa da aýdan ákimi Erlan Aitahanov arnaiy baryp qatysty.
Kópshilik aldymen «Táýelsizdik jolyndaǵy eńbek» atty mektep-gimnaziia ustazdary men oqýshylarynyń sýret jáne qolóner kórmesin tamashalady.
Munan soń mektep oqýshylary daiyndaǵan merekelik shara bastalyp, «Atameken» hor ujymy «Meniń Otanym» ánimen saltanatty jiynnyń shymyldyǵyn túrdi.
Sharada sóz alǵan aýdan basshysy: «Memleket basshysy Nursultan Nazarbaev taiaýda ǵana jariialaǵan «Uly dalanyń jeti qyry» atty maqalasynda: «Óz tarihyna degen maqtanysh sezimin uialatyp, otanshyldyq tárbie berý mektep qabyrǵasynan bastalýǵa tiis. Sondyqtan mektepter men barlyq óńirlerdegi ólketaný mýzeileriniń janynan tarihi-arheologiialyq qozǵalystar qurý mańyzdy. Ult tarihyn sanaǵa sińirý barsha qazaqstandyqtardyń boiynda óz bastaýlaryna degen ortaqtyq sezimin qalyptastyrady», - dep, sanaly urpaq tárbiesine kóńil bólý qajettigin erekshe atap ótti.
«Iaǵni, tarihi jádigerlerimiz ben bai muralarymyzdy óskeleń urpaqqa keńinen nasihattap, jastardy ótken tarihymyzdy tanýǵa tárbieleýdiń mańyzdylyǵy zor. Osy baǵytta kezinde aty álemge máshhúr bolǵan dańqty Otyrar qalasynnyń orny búginde sonaý jyldardan syr shertetin tarihi orynǵa ainalyp otyr. Elbasymyzdyń maqalasynda aitylǵan mindetterdi júzege asyrý maqsatynda jasalǵan otyrarlyq qaharmandardyń erligin dáripteitin "Kóne qumyranyń syry" atty animatsiialyq filmniń balalarǵa berer áseri mol. Aldaǵy ýaqytta basqa da jobalardy qolǵa alý josparymyzda bar. Osynyń bári shyndap kelgende Táýelsiz elimizdiń 27 jyl ishinde jetken jetistigi dep bilemin», - dep, sharaǵa qatysýshylardy Táýelsizdik kúni merekesimen quttyqtady.
Odan ári saltanatty sharada «halyq aspaptary» orkestri kúmbirlegen kúi tartsa, mekteptiń ónerpaz oqýshylary patriottyq ánderdi shyrqady.
Táýelsizdiktiń 27 jyldyǵyna arnalǵan merekelik jiynda mektep-gimnaziiasynyń úlgili, ozat oqýshylaryn respýblikalyq qoǵamdyq birlestik «Jas Ulan», «Jas Qyran» biryńǵai balalar men jasóspirimder uiymyna saltanatty qabyldaý rásimi ótip, oqshylar ant qabyldady.
