QR Táýelsizdiginiń 30 jyldyǵyna orai Qaraǵandy oblysy ákimdigi mádeniet, arhivter jáne qujattama basqarmasynyń qoldaýymen «Mádeniet portaly» aqparattyq agenttiginde tuńǵysh ret ótkizip jatqan «Táýelsizdik: Sóz ben Sýret» atty aqyndar men sýretshiler arasyndaǵy respýblikalyq onlain-baiqaýy jariialandy. Onlain-baiqaýdyń júlde qory - 7 600 000 teńge.
Buǵan deiin elimizde bolmaǵan bul mega jobanyń negizi maqsaty – Respýblikadaǵy sýretshiler men aqyndardyń shyǵarmalaryn nasihattaý hám tanytý, olardyń týyndylary arqyly Qaraǵandy oblysynyń tarihi tulǵalaryn, mádeni eskertkishterin, sakraldy oryndaryn, tabiǵatyn, Táýelsizdik kezeńinde ólsheýsiz úles qosqan tulǵalardyń esimin asqaqtatý, poeziia men sýret óneriniń úndestigin baǵalaý ári baǵamdaý, oqyrman qaýymnyń moderndik ortasyn qalyptastyrý.
Baiqaýdyń ereksheligi – óner saiysyna qatysýshy aqyndar men sýretshilerdiń jas ereksheligine shekteý qoiylmaidy, iaǵni kez-kelgen jastaǵy shyǵarmashylyq tulǵa qatysa alady.
Onlain-baiqaý qazaq jáne orys tilinde ótedi. Baiqaýǵa respýblikanyń barlyq oblystary pen megapolisterindegi sýretshiler men aqyndar shyǵarmalaryn «Mádeniet portalyna» onlain túrde óz qolymen tirkei alady. Ol úshin úmitkerler «Mádeniet portalyna» tirkelip, buryn esh jerde jariialanbaǵan, konkýrsqa usynylǵan shyǵarmalary men jeke málimetterin portalda kórsetilgen «Shyǵarmany qosý» batyrmasy arqyly ornalastyra alady. Sonymen qatar onlain-baiqaýdyń basqa da sharttaryn «Mádeniet portalyndaǵy» Erejesinen oqyp alýǵa bolady.
«Táýelsizdik: Sóz ben Sýret» atty aqyndar men sýretshiler arasyndaǵy respýblikalyq onlain-baiqaýy aiasynda jeńimpaz Aqyndardyń óleńderi qazaq, orys jáne aǵylshyn tilderine aýdarylyp, Sýretshilerdiń kartinalarymen birge arnaiy albom daiyndalady. Jeńimpazdardyń shyǵarmalarynan quralǵan atalmysh albom aǵylshyn jáne orys tildi memleketterdiń ulttyq kitaphanalaryna joldanady. Munymen qosa albom arnaiy túsirilgen beinerolikterge silteme berilgen QR-kodtarmen jaryq kórmek.
Onlain-baiqaý 2 kezeńmen ótedi: 1-kezeń – Sýretshiler úshin; 2-kezeń – Aqyndar úshin. Baiqaýdyń Sýretshilerge arnalǵan 1-kezeńi 20.04.2021 – 20.06.2021 aralyǵynda ótedi. Jeńimpaz 8 sýretshi anyqtalyp, úzdik 8 kartina ashyq jariialanady. 26.06.2021 – 26.07.2021 aralyǵynda ótetin baiqaýdyń Aqyndarǵa arnalǵan 2-kezeńinde úzdik 8 sýrettiń bireýin tańdap, sol sýret týraly 1 poeziialyq shyǵarmasyn (óleńin) joldaý arqyly qatysa alady.
Jeńimpazdardyń júldeleri tómendegidei tabys etiledi:
● Eki Bas júlde /aqyn men sýretshiniń árqaisysyna/ teń bólinedi – 2 000 000 tg
● Eki I oryn /aqyn men sýretshiniń árqaisysyna/ teń bólinedi – 1 600 000 tg
● Tórt II oryn /aqyn men sýretshiniń árqaisysyna/ teń bólinedi – 2 000 000 tg
● Alty III oryn /aqyn men sýretshiniń árqaisysyna/ teń bólinedi – 1 800 000 tg
● Eki yntalandyrý syilyǵy /aqyn men sýretshiniń árqaisysyna/ teń bólinedi – 200 000
