«Qazaqstan» jáne «Habar» telearnalary Táýelsizdigimizdiń 30 jyldyq mereitoiyna orai ázirlengen jańa týyndylaryn kórermen nazaryna usynady, dep habarlaidy QazAqparat HAA.
«Habar» telearnasynda 29 qarashadan beri «Elbasy. Táýelsizdik jylnamasy» derekti filmi kórsetilýde. Qazaqstan Táýelsizdiginiń 30 jyldyǵyna arnalǵa týyndy 15 seriiadan turady. Onyń árqaisysy elimizdiń oryn alǵan tarihi oqiǵalar men sátterge arnalǵan qorytyndy seriiasy 17 jeltoqsanda kórsetiledi.
«Qazaqstan týraly aitamyz». Dál osyndai ataýmen 13 jeltoqsannan beri «Habar» telearnasynda saǵat 12:30-da Qazaqstan Respýblikasynyń Táýelsizdigi jyldarynda jumys istegen halyqaralyq sarapshylardyń qatysýymen derekti baǵdarlama tsikli kórsetilip júr. Baǵdarlama barysyn keiipkerler ekskiýzivti suhbat berip, Qazaqstanǵa qatysty oilarymen, kózqarastarymen bólisip, elimizde atqarǵan qyzmeti menjumys nátijeleri jaiynda baiandaidy.
Osy telearna 13 jeltoqsannan beri Táýelsizdigimizdiń 30 jyldyǵyna arai «Erkindik sezimderi» derekti serialyn usynyp júr. Jobada Qazaqstan turǵyndary, qarapaiym azamattar egemendik jyldaryndaǵy este qalǵan mańyzdy oqiǵalarmen, sáttermen bólisedi. Qorytyndy seriiasy 18 jeltoqsan kúni bolady.
«Habar» arnasynyń taǵy bir derekti filmi «Egemendik. Táýelsizdikke deiingi 418 kún»dep atalady Derekti filmde Qazaqstan Táýelsizdigin alar kezeńdegi mańyzdy tarihi jaittar baiandalady. Filmdi 16 jeltoqsan kúni saǵat 10:00-de tamashalai alasyzdar.
18-19 jeltoqsan kúnderi saǵat 12:30-da «Habar» telearnasynda Roza Baǵlanovanyń ómir jolynan syr shertetin 8 bólimdi serial kórermenge jol tartady.
Al «Qazaqstan» ulttyq telearnasy 17 jeltoqsan kúni saǵat 14:50-de Táýelsizdik kúnine orai arnaiy joba - «Jeltoqsan jańǵyryǵy» atty derekti filmin usynady. Arhivtik qujattar men naqty derekterge negizdelgen film elimizdiń tarihi kezeńi – Qazaqstan Respýbikasynyń Táýelsizdikke qol jetkizýine arqaý bolǵan «Jeltoqsan» oqiǵasynyń 35 jyldyǵyna arnalady.
Sonymen qatar «Qazaqstan» ulttyq telearnasy QR Táýelsizdiginiń 30 jyldyǵyna orai eldiń memlekettik shekarasy týraly «№9» ataýymen derekti film túsirdi. Derekti filmde QR Tuńǵysh Prezidenti – Elbasy N.Nazarbaevtyń shekarany bekitýdegi júrgizgen resmi kelissózderi men qazaq diplomattarynyń tabandy áreketteri tarihi derektermen baiandalady. Derekti joba 16 jeltoqsan 16:20-da efirge shyǵady.
