Bas prokýratýranyń narazylyǵynan keiin kassatsiialyq sot jemqorlyq jolymen alynǵan 12 mln teńgeni memleket kirisine óndirý týraly sheshim shyǵardy, dep habarlaidy ult.kz.
Vedomstvonyń málimetinshe, qylmystyq is aiasynda «M» esimdi azamattyń jekelegen adamdarǵa qamqorlyq kórsetkeni úshin birneshe ret zańsyz syiaqy alǵany anyqtalǵan. Zańsyz alynǵan qarajattyń jalpy somasy 12 mln teńgege jetken.
Sot azamatty bas bostandyǵynan aiyrýǵa úkim shyǵarǵanymen, zańsyz tabysty memleket kirisine qaitarý máselesin sheshpegen. Osy olqylyqqa bailanysty Bas prokýratýra sot aktisine narazylyq bildirdi.
Narazylyqty qaraǵan Qylmystyq ister jónindegi kassatsiialyq sot ony qanaǵattandyryp, sottalǵan azamattan 12 mln teńgeni memleket kirisine óndirip alý týraly sheshim qabyldady.
Bas prokýratýranyń habarlaýynsha, biyl sybailas jemqorlyq qylmystaryna qatysty engizilgen jeti narazylyq qanaǵattandyrylǵan. Nátijesinde zańsyz jolmen alynǵan jalpy somasy 50 mln teńge memleket kirisine qaitaryldy.
Aita keteiik, buǵan deiin prokýrordyń kassatsiialyq narazylyǵynan keiin onlain-kazino uiymdastyrǵan azamattan da zańsyz alynǵan 9,9 mln teńge memleket kirisine óndirilgen bolatyn.
