Túrkistan oblysy Keles aýdanynda «Jastar resýrstyq ortalyǵyna» jastar saraiy tapsyryldy, dep habarlaidy "Ult aqparat".
Táýelsizdigimizdiń 27 jyldyq merekesi qarsańynda Keles aýdanynyń ortalyǵy Abai aýylynda Jastar saraiynyń ashylý saltanaty bolyp ótti.
Saltanatty sharaǵa Keles aýdanynyń ákimi Aqmentai Esbaev, aýdan ákiminiń orynbasary Almas Seksenbaev, aýdandyq ardagerler keńesiniń tóraǵasy Sheraly Sársenov, aýdandyq Jastar resýrsttyq ortalyǵynyń direktory Ernar Bektaev jáne aýdan turǵyndary qatysty.
Bul jastar saraiyn ashýdyń maqsaty - aýyl jastaryn belsendilikke, quqyqtary men múddelerin qorǵaý, memlekettilik pen qazaqstandyq patriotizmge baýlý, aýyl jastaryn sapaly ári qoljetimdi bilimmen qamtamasyzdandyrý, jastardy jumysqa ornalasýǵa múmkindik jasaý, jastarǵa jáne jas otbasylarǵa qoljetimdi baspanamen qamsyzdandyrý júiesin damytý, psihologiialyq kómek kórsetý bolyp otyr.
Jastar saraiynyń ashylýy barysynda saltanatty túrde ǵimarattyń lentasyn aýdan ákimi Aqmentai Esbaev jáne aýdandyq ardagerler keńesiniń tóraǵasy Sheraly Sársenov kesip, Jastar saraiynyń qurylymymen tanysyp shyqty.
Aita ketý kerek, búgingi tańda Keles aýdanynda jastar sany - 37 817 qurasa, onyń ishinde erler - 18946, áielder - 18871. Mektep oqýshylary 10 790 adamdy quraidy.
