Memleket basshysynyń atyna ulttyq merekemiz - Qazaqstan Respýblikasynyń Táýelsizdik kúnine orai hattar men jedelhattar kelip tústi, dep habarlaidy Aqordanyń baspasóz qyzmeti.
Shveitsariia Konfederatsiiasynyń Prezidenti Alen Berse óziniń quttyqtaý jedelhatynda Qazaqstan halqyna baq-bereke men amandyq tilep, eki el arasyndaǵy senimge negizdelgen ári dostyq qarym-qatynastardy odan ári damytýǵa niettestik bildiredi.
Sonymen qatar, ózderiniń jedelhattarynda Iordaniia Koroli II Abdalla, Shvetsiia Koroli Karl Gýstav, Oman Sultany Kabýs ben Said, Vetnam Sotsialistik Respýblikasynyń Prezidenti Ngýen Fý Chong, Moldova Prezidenti Igor Dodon, Malaiziia Joǵarǵy bileýshisiniń orynbasary Sultan Nazrin Mýizzýddin Shah Qazaqstan halqyna beibit ómir jáne baq-bereke tileidi.
