Túrkistan oblysy, Túlkibas aýdanynda Táýelsizdik kúni qarsańynda jáne Balalar jylyna orai taǵy da bir qýanyshty jańalyq boldy. «Aýyl – El besigi» baǵdarlamasy sheńberinde jańa mektep paidalanýǵa berildi. Turar Rysqulov aýylynda «Mailykent» mektebi boi kóterip, oqýshylar men ustazdardy qýantty. Bul týraly oblys ákimdiginiń baspasóz qyzmeti habarlady.
Merekelik sharaǵa aýdan ákimi Nurlan Baiǵut, Túrkistan oblysynyń adami áleýetti damytý basqarma basshysynyń orynbasary Nurjan Nurlybaev, aýdandyq máslihat hatshysy Sádýahas Seisenbaev, aýyl aqsaqaldary men ardager ustazdar qatysyp, mektep ujymy men aýyl turǵyndaryn Táýelsizdik kúnimen jáne jańa ǵimarattarynyń ashylýymen quttyqtady.
Jalpy aýmaǵy 2 gektar jerdi alyp jatqan bilim oshaǵynyń ǵimaraty 3340 sharshy metrdi quraidy. Jańa nysanda memlekettik bilim berý men oqý standarty tolyq oryndalǵan. Bunda bastaýysh synyptarǵa arnalǵan 5 synyp, arnaiy pánderge arnalǵan (himiia, biologiia, fizika, informatika, mýltimediia zerthanalarymen) 8 synyp, 7 oqý kabineti bar. Biriktirilgen májilis jáne sport zaly, uldar men qyzdarǵa arnalǵan eki bólmeli sheberhana, tiptik ashana qarastyrylǵan.
Aita keteiik, biyl aýdanda halyq sanynyń artýyna jáne balalarǵa sapaly bilim alýǵa jaǵdai jasaý maqsatynda 5 jańa mektep pen qosymsha ǵimarattar soǵylyp, paidalanýǵa berildi. Sonymen qatar «Aýyl – El besigi» baǵdarlamasy sheńberinde «Amankeldi» mektebine qosymsha qurylys jumystary júrgizildi. Kóp jyldan beri ózekti máseleniń biri bolyp kelgen Abaiyl aýylynan 100 oryndyq mektep boi kóterip, biylǵy jańa oqý jyly paidalanýǵa berildi.
Búgingi tańda oblystyq biýdjet esebinen aýdan aýmaǵynda 2 jańa mektep pen 1 qosymsha ǵimarattyń qurylysy júrip jatyr.
