Táýelsiz Qazaq poeziiasy aýdioantologiiasynyń altyn qory jasaqtalady. Bul týraly Qazaqstan Jazýshylar odaǵynyń baspasóz bólimi habarlady.
"Qazaqstan Jazýshylar odaǵy men "MÝZART" dybys jazý stýdiiasynyń arasynda kelisim jasalǵanyn habarlaimyz. Bul kelisim boiynsha aqyndar "MÝZART" stýdiiasynda óz óleńderin taspaǵa túsire alady. Óleńder kásibi deńgeide óńdelip, jyl sońyna deiin jinaqtalady. Al, jinaqtalǵan shyǵarmalar negizinde Táýelsiz Qazaq poeziiasy aýdioantologiiasynyń altyn qory jasaqtalady" delingen habarlamada.
Jańa jobaǵa sáikes, ár aqynnan 15 óleń tańdap alynyp, taspaǵa jazylmaq.
"Táýelsiz Qazaq poeziiasy aýdioantologiiasy altyn qorynyń dybys jazý kestesine tirkelý úshin 87477034840, 87079349131 telefon nómirlerine habarlasýǵa bolady" deidi uiymdastyrýshylar.
Aita ketsek, Qazaqstan Jazýshylar odaǵy men "MÝZART" dybys jazý stýdiiasy aldaǵy ýaqytta túrli jobalar boiynsha birlese jumys jasamaq.
