Almaty oblysynda ata-anasymen birge ormanda sańyraýqulaq terýge barǵan tórt jasar bala joǵaldy. Júzdegen adam ony úsh saǵat boiy izdedi, dep habarlaidy Sputnik Qazaqstan oblystyq tótenshe jaǵdailar departamentine silteme jasap.
Resmi málimetke sáikes, 16 mamyrda keshki saǵat 20:30 kezinde Kerbulaq aýdanyndaǵy Dolanaly aýylyna jaqyn jerde balanyń joǵalǵany týraly habar túsken. Ol ata-anasymen birge sańyraýqulaq terýge kelgen.
Tórt jasar ul kóliktiń janynda oinap júrdi. Artynan iz-túzsiz joǵalyp ketti.
Ata-anasy úsh saǵattai balasyn ózderi izdep kórgen. Sosyn tótenshe jaǵdailar deparatmentine habar berdi. Izdestirý jumystaryna qutqarýshylar ǵana emes, politseiler, ákimdik qyzmetkerleri men jergilikti halyq ta qatysty.
Barlyǵy 100-den astam adam taýly jerdi aralap shyqty.
Túngi saǵat 23:30-de úsh shaqyrym shalǵai jerde joǵalǵan bala tabyldy. Dárigerler ony qarap shyqty. Ol jaraqat almaǵan.
