Keshe Qytaidyń ońtústik-batysynda bolǵan topyraq kóshkini saldarynan onshaqty turǵyn úi men elektr berý jelisiniń úsh tiregi úiindi astynda qaldy, segiz adam qaza tapty, dep habarlaidy ult.kz.
Iri kólemdegi taý jynystary men topyraqtyń opyrylýy tańerteń Penshýi ýezi (Chýntsin) aýmaǵynda, taý eteginde bolǵan. Sońǵy málimetterge sáikes, taý betkeiiniń opyrylýy saldarynan segiz adam qaza taýyp, taǵy 34 adam iz-túzsiz joǵalǵandar qatarynda.
Oqiǵa ornynda aýqymdy qutqarý operatsiiasy bastaldy. Memlekettik BAQ málimetinshe, keminde toǵyz adam qutqarylǵan, al qutqarýshylar tas, lai jáne qirandylar arasynan izdestirý jumystaryn jalǵastyrýda.
Úiindi astynda qalǵandardyń naqty sany áli de belgisiz. Aýdanda izdeý-qutqarý jumystaryna 800-den astam maman tartylǵan. Qaýipti aimaq mańynda turatyn 1,1 myńnan astam turǵyn evakýatsiialandy.
