Foto: Gov.kz
2024 jylǵy kóktemgi sý tasqyny kezeńinde Tasqyn aqparattyq júiesi Qazaqstannyń 10 oblysynda sý tasqyny jaǵdaiyn aldyn ala boljaýǵa múmkindik berdi, dep habarlaidy Ult.kz.
14 naýryz ben 18 sáýir aralyǵynda júie eldegi Batys Qazaqstan, Aqtóbe, Qostanai, Soltústik Qazaqstan, Pavlodar, Shyǵys Qazaqstan, Aqmola, Qaraǵandy, Abai jáne Ulytaý oblystarynda sý tasqynyna qatysty jaǵdaidy modeldep, jergilikti bilik pen tótenshe jaǵdailar departamentteriniń aldyn ala áreket etýine sep boldy.
Aqmola men Soltústik Qazaqstan oblystaryndaǵy naqty sý basqan 16 eldi mekenniń 9-y júie arqyly aldyn ala anyqtalyp, boljam rastalǵan. Tasqyn júiesi ózenderdegi sý shyǵyny men deńgeiiniń boljamyn, sý qoimalarynan jiberiletin sýdyń kólemin, jer bederiniń tsifrlyq modelderin jáne batimetriialyq túsirilim derekterin paidalaný arqyly tasqynnyń taralý yqtimaldyǵyn esepteidi.
Sý resýrstary jáne irrigatsiia ministrligi tasqyn kezeńinde júiege kún saiyn málimetter engizip, sý qoimalarynyń jaǵdaiyna turaqty monitoring júrgizgen. Sonymen qatar shekaralas memlekettermen aqparat almasyp, Tótenshe jaǵdailar ministrligi men onyń óńirlik bólimshelerin yqtimal qaýipter týraly jedel eskertip otyrǵan.
Ministr Aslan Abdraimovtyń aitýynsha, boljamnyń dáldigin arttyrý jáne júieni keńeitý úshin arnaiy usynystar ázirlenip, Tasqyn júiesin jetildirýge baǵyttalǵan Jol kartasynyń jobasy jasalǵan. Onda tsifrlyq jer bederiniń anyqtyǵyn arttyrý, gidrologiialyq modeldi jańartý jáne júieni zamanaýi talaptarǵa beiimdeý syndy sharalar qarastyrylǵan. Onyń sózinshe, bul baǵyttaǵy jumystar turaqty túrde jalǵasady.
