Prezidenttikke kandidat Amankeldi Taspihovtyń senimdi ókilderi Qyzylorda oblystyq perinataldyq ortalyǵynda aq halatty abzal jandarmen kezdesti. Bul jóninde QR Kásipodaqtar federatsiiasynyń baspasóz qyzmeti habarlady.
Halyq densaýlyǵyn jaqsartýda aimaqta birshama jumystar atqarylýda. Ásirese, ana men bala densaýlyǵy jiti nazarda.
Bul rette Qyzylorda oblystyq perinataldyq ortalyǵynyń alar orny zor. Meditsinalyq mekeme 2014 jyly ashylǵan. Aýrýhana 350 orynǵa jasaqtalǵan, munda 764 adam qyzmet atqarady.
Kezdesýde aýmaqtyq kásipodaqtar birlestiginiń tóraǵasy Serik Sermaǵambetov elimizdegi saiasi naýqan týraly aita kele, kásipodaq atynan sailaýǵa túsken kandidat Amankeldi Taspihovtyń ómirbaiany, eńbek joly týraly áńgimelep, sailaýaldy baǵdarlamasyn tanystyrdy.
Eńbek ujymy kandidat tuǵyrnamasynda kóterilgen máseleler týraly oilaryn ortaǵa saldy. Prezidenttikke úmitker Amankeldi Taspihov tuǵyrnamasyndaǵy eńbek qatynastary boiynsha qoiylǵan talaptarǵa qatysty pikir bildirdi.
Kezdesýge ortalyqtyń 50-den asa qyzmetkeri qatysty. Jiyn barysynda qatysýshylarǵa úgit-nasihat materialdary taratyldy.
