Aqmola oblystynda óńirlik kommýnikatsiialar qyzmetinde ótken brifingte Jarqaiyń aýdanynda «Rýhani jańǵyrý» baǵdarlamasynyń iske asyrylýy jóninde aýdan ákimi Murat Balpan baiandap berdi.
Baǵdarlamanyń basym baǵyttary aýdanda is-sharalar josparyna sáikes júzege asyrylýda. Jyl basynan beri atalmysh taqyrypta jergilikti gazette 47 maqala jaryq kórip, áleýmettik jelilerde túrli formattaǵy 127 materialdar jariialanǵan. Óńirdegi eki nysan oblysymyzdyń kieli jerleriniń kartasyna engizilgen. Olar – Qabyl batyrdyń jerlengen jeri men «Qyzyl tam» (Ahmet) kesenesi. Sońǵysy Dalabai aýylynyń ońtústik-batysyna qarai Esil ózeniniń oń jaǵalaýy betkeiindegi aýdan ortalyǵy Derjavinsk qalasynan 25 shaqyrym jerde ornalasqan.
Aýdanda «Rýhani jańǵyrý» baǵdarlamasyn iske asyrýǵa jergilikti metsenattar belsene aralasyp jatqanyn aýdan ákimi Murat Balpan óz sózinde atap ótti. Kásipkerlerdiń qoldaýymen «Kenskii – Otradnyi», «Tasty-Taldy – Zernogradsk» joldary aǵymdaǵy jóndeýden ótkizilipti. Tasótkel aýylynda «Temirlan» jaýapkershiligi shekteýli seriktestiginiń qarajatyna aýylishilik joldarǵa asfalt tóselgen. Kostychev aýylynda da metsenattardyń esebinen jol jóndeý jumystary júrgizilip, aýyldyq mádeniet úii jańartylǵan.
Búginde Aqpan Úkibaev, Nadejda Krýpskaia jáne Gastello atyndaǵy orta mektepterde, sonymen qatar, balalar shyǵarmashylyq úiinde robototehnika synyptary jumys isteidi. «Sananyń ashyqtyǵy» jobasy aiasynda aýdan mektepterinde «Adaldyq» dúkenderi, «Adal urpaq» klýbtary ashylypty. Jastardyń boiynda sybailas jemqorlyqqa qarsy mádenietti qalyptastyrýǵa arnalǵan barlyq sharalar osy klýbtarda ótedi.
«Pragmatizm» baǵytyn iske asyrý aiasynda Kostychev, Piatigorsk, Tasótkel aýyldarynda aýlalar men saiabaqtar jańartylýda. Derjavinsk qalasynda ortalyq saiabaqqa qaita jańartý jumystary júrgizilýde. Keńes áskeriniń Aýǵan jerinen shyǵarylǵanyna 30 jyl tolýyna bailanysty osy saiabaqta internatsionalist-jaýyngerlerdiń qurmetine memorialdyq eskertkish ornatylypty. Ana men bala eskertkishi qalpyna keltirilgen.
Sonymen qatar, aýdanda qazaq álipbiin latyn grafikasyna kóshirý, memlekettik tildiń qoldanylý aiasyn keńeitý, jas urpaqty otansúigishtikke baýlý maqsatynda birqatar sharalar qolǵa alynyp jatqany da brifingte keńinen aityldy.
