Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi taǵaiyndaldy, – dep habarlaidy Aqordanyń baspasóz qyzmeti.
Memleket basshysynyń Jarlyǵymen Ermek Bedelbaiuly Kósherbaev Qazaqstan Respýblikasynyń Resei Federatsiiasyndaǵy Tótenshe jáne Ókiletti Elshisi qyzmetine taǵaiyndaldy.
Memleket basshysynyń Ókimimen Ermek Bedelbaiuly Kósherbaev Qazaqstan Respýblikasy Syrtqy ister ministriniń orynbasary qyzmetinen bosatyldy.
Ermek Bedelbaiuly 1965 jyly 2 mamyrda Almaty qalasynda dúniege kelgen. 1988 jyly C.Kirov atyndaǵy Qazaq Ulttyq ýniversitetin shet tilinde oqytatyn tarihshy mamandyǵy boiynsha támámdady. 1993 jyly KSRO Diplomatiialyq akademiiasyn halyqaralyq qatynastar jáne syrtqy saiasat mamandyǵy boiynsha aiaqtady.
1988-1991 jj. - QazSSR Syrtqy ister ministrliginiń qupiia is qaǵazdaryn júrgizý boiynsha aǵa inspektory, ekinshi hatshysy, birinshi hatshysy, Syrtqy ister ministriniń kómekshisi. 1993-1994 jj. – Qazaqstan Respýblikasynyń Syrtqy ister ministrliginiń Memlekettik protokol basqarmasynyń birinshi hatshysy, bólim meńgerýshisi.
1994-1996 jj. - Qazaqstan Respýblikasynyń Prezidenti Apparatynyń Halyqaralyq bóliminiń konsýltanty, Prezident Apparaty Protokol qyzmeti basshysynyń mindetin atqarýshy. 1996-1997 jj. – Qazaqstan Respýblikasynyń Shveitsariia Konfederatsiiasyndaǵy Elshiliginiń birinshi hatshysy. 1997 jyly Qazaqstan Respýblikasy Syrtqy ister ministirliginiń Kópjaqty yntymaqtastyq departamentiniń Aziialyq qaýipsizdik bólimniń basshysy.
1997-1999 jj. Qazaqstan Respýblikasy Premer-Ministriniń kómekshisi. 2000 jyldyń qańtar-qarasha ailarynda «Nursultan Nazarbaev bilim fondy» direktorynyń birinshi orynbasary. 2000-2001 jj. - baspasóz qyzmetiniń basshysy, «QazTransOil UK» JAQ-nyń prezident apparatynyń basshysy.
2006-2007 jj. - «Otan Respýblikalyq saiasi partiiasy» qoǵamdyq birlestiginiń ortalyq apparat basshysy.
2008-2009 jj. - «Raýan Media Grýpp» AQ-nyń bas direktory. 2009-2010 jj. - «Ertis qoǵamdyq-kásiptik korporatsiia» Ulttyq kompaniiasynyń basqarma tóraǵasy. 2010-2014 jj. - ShQO ákiminiń birinshi orynbasary.
2014-2016 jj. – Aýyl sharýashylyǵy ministrliginiń vitse-ministri.
2016-2018 jj. - Aýyl sharýashylyǵy ministrliginiń jaýapty hatshysy.
2018-2019 jj. - Qazaqstan Respýblikasynyń Syrtqy ister ministrliginiń jaýapty hatshysy.
2019 jyldan bastap Qazaqstan Respýblikasy Syrtqy ister ministriniń orynbasary boldy. Diplomatiialyq dárejesi I synypty keńesshi.
