Resei Federatsiiasyndaǵy Qazaqstan Respýblikasynyń Tótenshe jáne Ókiletti Elshisi Imanǵali Tasmaǵambetov RF Prezidenti Vladimir Pýtinge senim gramotalaryn tabystady, dep habarlaidy Ult.kz tilshisi QazAqparat agenttigine silteme jasap.
18 shet memleketten kelgen elshilerdiń qatysýymen ótken resmi saltanatty shara Úlken Kreml saraiynyń Aleksandr zalynda ótti. Dástúr boiynsha Pýtin 18 memlekettiń elshisine Reseidiń qarym-qatynasy týraly qysqasha aityp ótti. Qazaqstan týraly aitqanda RF prezidenti HHI ǵasyrdaǵy tatý kórshilik pen odaqtastyq týraly shart negizinde túrli salalardaǵy yntymaqtastyqty nyǵaitýdaǵy ekijaqty umtylysty atap ótti.
«Qazaqstan - bizdiń senimdi dosymyz jáne strategiialyq odaqtasymyz. Jaqynda Prezident Nursultan Ábishuly Nazarbaevpen bolǵan kelissózder barysynda HHI ǵasyrdaǵy tatý kórshilik pen odaqtastyq týraly Shart negizinde túrli salalardaǵy yntymaqtastyqty nyǵaitýdaǵy ekijaqty umtylys maquldandy», - dep Pýtin TMD, Eýraziialyq ekonomikalyq odaq, UQShU jáne Shanhai Yntymaqtastyq Uiymy aiasynda belsendi birlesken jumystar júrgizilip jatqanyn atap ótti.
«Postkeńestik keńistiktiń integratsiialyq protsesterindegi Prezident Nazarbaevtyń kóshbasshylyq rólin joǵary baǵalaimyz», - dedi RF prezidenti.
