Qazgidromet kóktem mezgilinde ózen arnalarynyń jáne tasqyn sýlardyń deńgeiin baqylaýda ustaýda. Bul týraly búgin Astanada ótken baspasóz máslihatynda Gidrologiia departamentiniń direktory Didar Jánibekuly málim etti, dep habarlaidy Ult.kz tilshisi QazAqparat agenttigine silteme jasap.
«Búgingi tańda Qaraǵandy oblysy men Aqmola oblysy boiynsha sý tasqynynyń joǵary deńgeii artta qaldy, osyǵan bailanysty, ózenderdegi sý deńgeii jaqyn aradaǵy 2-3 kúnde tómendeidi dep kútilýde. Qazirgi ýaqytta Aqmola oblysynda tek Jabai men Qalqutan ózenderinde qaýipti deńgei saqtalyp otyr», - dep atap ótti ol.
Onyń sózinshe, qaýipti jaǵdai Qostanai oblysynda da saqtalyp otyr. Onda ózen sýlarynyń deńgeii bir qalypty bolǵanmen, qar sýy dalaǵa jaiylyp ketip jatyr.
Qaraǵandy oblysyndaǵy Nura ózeninde sý deńgeii túskenimen, qaýip Jamansarysý ózeninen shyǵýy yqtimal. Onyń ústine Maraqand sý qoimasynan aǵyzylǵan artyq sý Nura ózeni arqyly Aqmola oblysyna ketedi.
Aqtóbe oblysyna keletin bolsaq, onda sýdyń deńgeii endi tómendei beredi. Kerisinshe, Soltústik Qazaqstan oblysyndaǵy ózender deńgeii kóteriledi dep kútilýde. Sebebi Aqmola oblysynan aǵyzylǵan sý Petropavlǵa bet alady. Sol kezde ózender arnasynan shyǵyp, birqatar qiyndyqtar týyndaýy múmkin», - deidi D. Jánibekuly.
Sondai-aq Ońtústik Qazaqstan, Jambyl men Almaty oblystaryndaǵy ózenderde sý deńgeii artady.
