Tashkent qalasynda «Abai Úii» qazaq mádeni-iskerlik úiiniń saltanatty ashylýy ótti. Bul týraly "Ult aqparat" Aqparat jáne qoǵamdyq damý ministrligine silteme jasap habarlaidy.
1 qazan kúni «Otandastar qory» KeAQ Dúniejúzi qazaqtary qaýymdastyǵymen birlesip, QR Aqparat jáne qoǵamdyq damý, QR Syrtqy ister ministrlikteriniń qoldaýymen onlain-formatta Tashkent qalasynda (Ózbekstan) «Abai Úii» qazaq mádeni-iskerlik úiiniń saltanatty ashylýyn ótkizdi.
Is-sharaǵa QR Aqparat jáne qoǵamdyq damý ministrliginiń Etnosaralyq qatynastardy damytý komiteti tóraǵasynyń orynbasary Erkin Úisimbaev, QR Syrtqy ister ministrligi Konsýldyq qyzmet Departamentiniń keńesshisi Baýyrjan Toqqulov, «Otandastar qory» KeAQ vitse-prezidenti Maǵaýiia Sarbasov, Ózbekstandaǵy qazaq mádeni ortalyǵynyń tóraǵasy Serikbai Úsenov, Qazaqstannyń Ózbekstandaǵy elshiliginiń keńesshisi Rýslan Dúisenov, sondai-aq Ózbekstandaǵy qazaq qaýymynyń ókilderi jáne t. b. qatysty.
Is-shara aiasynda «Abai Úii» qazaq mádeni-iskerlik úiiniń tusaýkeseri ótti, sondai-aq Ózbekstandaǵy qazaq qoǵamdastyǵynyń mádeni, iskerlik jáne bilim berý qyzmetin qoldaýǵa baǵyttalǵan birlesken jobalardy iske asyrý máseleleri talqylandy.
«Otandastar qory» KeAQ shetelde «Abai Úii» qazaq mádeni-iskerlik úileriniń jelisin ashý jumysyn jalǵastyrýda. Ótken aptada Omby qalasynda (RF) «Abai Úii» qazaq mádeni-iskerlik úiiniń ashylýy uiymdastyryldy. Aǵymdaǵy jyldyń sońyna deiin Bishkek qalasynda (Qyrǵyzstan), Berlin qalasynda (Germaniia), Ystambul qalasynda (Túrkiia) taǵy 3 «Abai Uii» qazaq mádeni-iskerlik úiiniń ashylýy josparlanyp otyr.
