«Nur Otan» partiiasy Tóraǵasynyń birinshi orynbasary Baýyrjan Baibektiń zańgeri Aijan Táshenova óziniń Facebook-taǵy paraqshasynda Janbolat Mamaidyń búgingi málimdemesi jaily jáne qańtardaǵy tártipsizdikter týraly pikir bildirdi. Ult portaly jazbanyń tolyq mátinin usynady.
***
Búgin J.Mamai post jariialap, B.Baibektiń ar-namysyn, abyroiyn jáne iskerlik bedelin qorǵaý týraly jazǵan talap-aryzy boiynsha sot sheshimin qaita qaraý jóninde Joǵarǵy Sotqa júgingeni týraly málimdedi.
«Ótiriktiń quiryǵy bir-aq tutam» degendei, munda bári aiqyn kórinip tur. Osy arqyly Mamaidyń ózi Joǵarǵy Sotqa júgingenin jáne onyń ótinishin qaita qaraýdan bas tartqany týraly burynǵy barlyq málimdemeleri – tolyǵymen ótirik ekenin rastap otyr (https://www.facebook.com/zhanbolat.mamay/posts/4853854394657377). Meniń oiymsha, bul eshkimdi de tań qaldyrmaidy. Biz taǵy da ózine nazar aýdartýǵa tyrysyp, haip izdegen Mamaidyń arzan qoilymyn kórip otyrmyz.
Zańger retinde Joǵarǵy Sot Inga Imanbaevanyń dál osyndai ótinishin qaraýdan bas tartqanyn túsindirip ótkim keledi. Joǵarǵy Sottyń qaýlysy preiýditsiialyq mánge ie. Bul degenimiz, B.Baibektiń J.Mamai men I.Imanbaevaǵa talap-aryzy birdei jaǵdailarǵa negizdelgendikten, Mamaidyń da ótinishi qanaǵattandyrylmaidy dep tolyq senimmen aitamyn. Negizdeme: J.Mamai men I.Imanbaevanyń maǵan senim bildirýshi B.Baibekke qatysty jalǵan aiyptaýlaryna eshqandai da dáleldiń bolmaýy.
Búgingi kúni bizdiń elimiz qańtardaǵy qaiǵyly oqiǵanyń saldarynan áli de shyǵa almai otyr. Kóptegen adamdardy onyń sebebi nede jáne onyń artynda kim tur degen suraq mazalaidy. Bul rette, ótken jyldyń sáýir aiynda B.Baibek óziniń suhbatynda J.Mamaidyń destrýktivti áreketi, onyń adamdardy aldaý ádisteri, kez kelgen sebeppen kóshege shyǵýǵa shaqyrýy, zańdy elemei, politsiiamen qarama-qaishylyqqa túsý úlken qaiǵyly jaǵdaiǵa ákelýi múmkin ekenin eskertken bolatyn.
Qańtar oqiǵalaryna J.Mamai da, onyń artynda turǵandar da tolyq jaýapty dep esepteimin. Bolǵan oqiǵanyń tipti shekten shyqqan arsyzdyǵy da sol – J.Mamaidyń óz qateligin moiyndap, eldi kóshege shyǵýǵa shaqyrǵanyna ókinýdiń ornyna otbasymen birge shetelge jasyrynýǵa áreket etýi. Bul onyń óz áreketteriniń barlyq aýyr saldaryn túsinetindiginiń dáleli.
Qańtardaǵy tártipsizdikter kezinde Mamaidyń narazylyq bildirýshilerge jetekshilik etýge tyrysqanynda ony mitingke shyqqandardyń ózderi soqqyǵa jyqqany da naqty kórsetkish bolyp tabylady (https://www.facebook.com/100001300204657/posts/4671142569605704/?d=n). Bul onyń halyq arasynda esh bedeliniń joq ekendigin kórsetedi. Ol qýyrshaq oinatýshylardyń qolyndaǵy jai ǵana «soqyr qýyrshaq».
Eń bastysy, Mamai jyldar boiy óz qyzmetin jazasyz júrgizip, kóptegen memleket qairatkerlerin aýyr kúná jasady dep dálelsiz aiyptap, bizdiń qoǵamda óshpendilikti qalyptastyrdy. Kóshelerge shyǵýǵa, zańsyz mitingiler uiymdastyrýǵa, politsiiamen teketiresýge únemi shaqyrýlarymen Mamai jáne onyń qamqorshylary 2022 jyldyń qańtar aiyndaǵy lańkestik áreketterge barlyq jaǵdaidy jasady.
Tek maǵan senim bildirýshi ǵana Mamai men Imanbaevaǵa azamattyq turǵyda talap qoiý týraly sheshim qabyldap, kópshilikke olardyń kim ekenin jáne málimdemeleri jalǵan ekendigin kórsetti.
Bul barlyǵyna úlgi bolarlyq jaǵdai jáne bolashaqta azamattarymyz ózderiniń ar-namysyn qorǵaý úshin sotqa júginýden qoryqpaýy kerek. Bizdiń qoǵamda ótirik pen jala jabý úlken qylmystarǵa alyp kelýi múmkin ekendigin túsine otyryp, biz olarǵa tosqaýyl qoiýymyz kerek.
Aijan Táshenova
