QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysyndaǵy Ádep jónindegi keńestiń kezekti otyrysy ótti.
Jiynda 10 laýazymdy tulǵanyń tártiptik isi qaralyp, otyrys qorytyndysymen 5 laýazymdy tulǵanyń tártiptik jaýapkershiligin qaraý usynylyp, al qalǵan 5 qyzmetkerge qatysty tártiptik is óz dálelin tappaýyna bailanysty toqtatyldy.
Jaza qoldaný usynylǵan laýazymdy tulǵalardyń qatarynda jer ýchaskelerine saýda-sattyq arqyly quqyq tabystaý barysynda Qaǵida jáneQazaqstan Respýblikasynyń Jer salasyndaǵy zańnama talaptaryn saqtamai memlekettik qyzmetke kir keltiretin tártiptik teris qylyq jasaǵany úshin Túrkistan qalasynyń aýyl sharýashylyǵy jáne jer qatynastary bóliminiń basshysyÝsenbaev Qydyrbai Berdibaevichke «atqaratyn qyzmetine sáikes emestigi týraly eskertý» túrindegi tártiptik jaza qoldaný usynyldy.
Al, Ádep kodeksiniń talaptaryn saqtamaǵany úshin 4 laýazymdy tulǵaǵa, iaǵni Kentaý qalasy Shornaq aýyldyq okrýginiń ákimi Ermahanov Orazali Mýsabekovichke is-áreketimen jáne minez-qulqymen qoǵam tarapynan aitylatyn synǵa sebepker bolǵan is-áreketi úshin «qatań sógis», Ordabasy aýdandyq bilim bóliminiń basshysy Nýrabaeva Shýga Týmahanbetovnaǵa memlekettik satyp alý barysynda áleýetti ónim berýshige jumys tájiribesi boiynsha shartty jeńildikter berilmegeni úshin «sógis», Kentaý qalasy Qarashyq aýyldyq okrýginiń ákimi Aitmetov Fýrkat Irskýlovichke qyzmettik ádepti saqtamai, dórekilik áreketi úshin «sógis»,sondai-aq, Kentaý qalasy Eski Iqan aýyldyq okrýginiń ákimi Mýslimov Hasan Alihanovichke Eńbek kodeksiniń talaptaryn saqtamai, áleýmettik qyzmetkerdi jumystan bosatqany úshin «eskertý» túrindegi tártiptik jaza qoldaný usynyldy.
Odan bólek, Ádep jónindegi keńes otyrysynda 3 esep tyńdaldy. Olar, QR Prezidenti janyndaǵy Memlekettik basqarý akademiiasynyń Túrkistan oblysy boiynsha filialynyń ashylýy men jospary týraly filial direktory J.Momynqulovtyń jáne óńirdegi memlekettik ákimshilik qyzmetshilerdiń biliktiligin arttyrýy týraly departamenttiń memlekettik qyzmet basqarmasynyń basshysy N.Shyntaevtyń, sondai-aq, Shardara aýdany ákiminiń orynbasary Q.Joldybaidyń Jer inspektsiiasynyń qorytyndysy negizinde oryn alǵan kemshilikterdi joiý boiynsha atqarylǵan jumystarynyń esepteri qaraldy.
