Foto: UQK baspasóz qyzmeti
Qarý-jaraqty ekinshi ret ainalymǵa engizýmen shuǵyldanǵan quqyq qorǵaý organdary qyzmetkerleri men burynǵy qyzmetkerleri jáne olardyń kómekshilerine qatysty sot protsesi aiaqtaldy, - dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, tirkeýden shyǵarylǵan oq-dári arqyly atylatyn qarý men oq-dári qylmystyq shema boiynsha joiyldy degen jalǵan esep arqyly keiin satylymǵa shyǵarylyp otyrǵan.
Ulttyq qaýipsizdik komiteti IIM Ózindik qaýipsizdik departamenti eki kezeńnen turatyn operatsiia barysynda Almaty qalasy men Almaty, Pavlodar, Soltústik Qazaqstan men Qaraǵandy oblystarynda qarýdy qaita ainalymǵa shyǵarý arnasynyń jolyn kesken.
Quryqtaý jáne tintý barysynda 347 qarý, 13 granata jáne 7 387 oq-dári tárkilengen. Politsiianyń burynǵy qyzmetkeri uiymdastyrǵan qarýdy modifikatsiialaý tsehynyń kózi joiylǵan. Jedel tergeýdi jalǵastyrý arqyly Ulttyq qaýipsizdik komiteti qylmys álemine, dini aǵymdarǵa qatysy bar jáne burynǵy politseilerden jasaqtalǵan qarýdy satyp alýshylardyń tolyq bazasyn anyqtaǵan.
Almaty qalasy Almaly aýdandyq soty sheshimimen kináli adamdar 2-den 5 jylǵa deiingi bas bostandyǵynan aiyrý merzimderine sottaldy.
Qyzmettik mindetterine salǵyrt qaraǵandary jáne jeke quramdy baqylaýdy álsiretkenderi úshin quqyq qorǵaý organdarynyń birqatar basshysy jumystan shyǵaryldy.
