Foto: polisia.kz
Ishki ister ministri jariialaǵan Profilaktika jyly aiasynda Qaraǵandy oblysynda "Zań men tártip" qaǵidatyn júzege asyrý baǵytynda zamanaýi tsifrlyq sheshimder keńinen engizilýde, – dep habarlaidy Ult.kz Polisia.kz-ke silteme jasap.
Solardyń biri – politsiia qyzmetkerlerine qoǵamdyq qaýipsizdikti qamtamasyz etip, oqiǵalarǵa jedel áreket etýge múmkindik beretin intellektýaldy beineanalitika júiesi.
Búginde Qaraǵandy qalasynda jasandy intellekt elementteri bar 60 kamera jumys isteidi. Olar adamdar kóp jinalatyn oryndarǵa – aialdamalarǵa, "Saryarqa" áýejaiyna jáne temirjol vokzaldaryna ornatylǵan.
Júie azamattardyń júzin tanyp, agressivti minez-qulyqty, adamdardyń shamadan tys jinalýyn jáne ózge de kúmándi jaǵdailardy avtomatty túrde tirkeidi. Qajet bolǵan sátte kameralar jedel qyzmetterge birden dabyl jiberedi.
- Jyl basynan beri beineanalitika júiesiniń kómegimen 49 quqyq buzýshy anyqtalyp, ustaldy, - dedi Qaraǵandy oblysy politsiia departamentiniń bastyǵy Negmet Ismagýlov.
Máselen, vokzal aýmaǵyndaǵy kamera probatsiialyq baqylaýda júrgen jáne sot sheshimine qaramastan Pavlodar oblysynan ketip qalǵan er adamdy anyqtaǵan. Al ózge jaǵdaida – aliment tóleýden jaltaryp júrgen Qostanai oblysynyń turǵyny ustaldy.
Politsiia departamentiniń baspasóz qyzmeti atap ótkendei, jasandy intellekt elementteri bar tehnologiialardy paidalaný profilaktikalyq jumystyń tiimdiligin arttyryp, óńir turǵyndarynyń qaýipsizdigin kúsheitti.
