فوتو: polisia.kz
ٸشكٸ ٸستەر مينيسترٸ جارييالاعان پروفيلاكتيكا جىلى اياسىندا قاراعاندى وبلىسىندا "زاڭ مەن تەرتٸپ" قاعيداتىن جٷزەگە اسىرۋ باعىتىندا زاماناۋي تسيفرلىق شەشٸمدەر كەڭٸنەن ەنگٸزٸلۋدە, – دەپ حابارلايدى Ult.kz Polisia.kz-كە سٸلتەمە جاساپ.
سولاردىڭ بٸرٸ – پوليتسييا قىزمەتكەرلەرٸنە قوعامدىق قاۋٸپسٸزدٸكتٸ قامتاماسىز ەتٸپ, وقيعالارعا جەدەل ەرەكەت ەتۋگە مٷمكٸندٸك بەرەتٸن ينتەللەكتۋالدى بەينەاناليتيكا جٷيەسٸ.
بٷگٸندە قاراعاندى قالاسىندا جاساندى ينتەللەكت ەلەمەنتتەرٸ بار 60 كامەرا جۇمىس ٸستەيدٸ. ولار ادامدار كٶپ جينالاتىن ورىندارعا – ايالدامالارعا, "سارىارقا" ەۋەجايىنا جەنە تەمٸرجول ۆوكزالدارىنا ورناتىلعان.
جٷيە ازاماتتاردىڭ جٷزٸن تانىپ, اگرەسسيۆتٸ مٸنەز-قۇلىقتى, ادامداردىڭ شامادان تىس جينالۋىن جەنە ٶزگە دە كٷمەندٸ جاعدايلاردى اۆتوماتتى تٷردە تٸركەيدٸ. قاجەت بولعان سەتتە كامەرالار جەدەل قىزمەتتەرگە بٸردەن دابىل جٸبەرەدٸ.
- جىل باسىنان بەرٸ بەينەاناليتيكا جٷيەسٸنٸڭ كٶمەگٸمەن 49 قۇقىق بۇزۋشى انىقتالىپ, ۇستالدى, - دەدٸ قاراعاندى وبلىسى پوليتسييا دەپارتامەنتٸنٸڭ باستىعى نەگمەت يسماگۋلوۆ.
مەسەلەن, ۆوكزال اۋماعىنداعى كامەرا پروباتسييالىق باقىلاۋدا جٷرگەن جەنە سوت شەشٸمٸنە قاراماستان پاۆلودار وبلىسىنان كەتٸپ قالعان ەر ادامدى انىقتاعان. ال ٶزگە جاعدايدا – اليمەنت تٶلەۋدەن جالتارىپ جٷرگەن قوستاناي وبلىسىنىڭ تۇرعىنى ۇستالدى.
پوليتسييا دەپارتامەنتٸنٸڭ باسپاسٶز قىزمەتٸ اتاپ ٶتكەندەي, جاساندى ينتەللەكت ەلەمەنتتەرٸ بار تەحنولوگييالاردى پايدالانۋ پروفيلاكتيكالىق جۇمىستىڭ تيٸمدٸلٸگٸن ارتتىرىپ, ٶڭٸر تۇرعىندارىنىڭ قاۋٸپسٸزدٸگٸن كٷشەيتتٸ.
