AQSh prezidenttigine úmitker Donald Tramp Pensilvaniiadaǵy sailaýaldy naýqanynda sóz sóilep turǵanda atys bastaldy, dep habarlaidy "Ult Aqparat".
Oq daýysy shyqqan kezde Tramp sózin toqtatyp, birden eńkeidi. Artynsha oqqaǵarlary júgirip baryp, ony alyp ketti. Tramptyń oń qulaǵy qanap ketti. Keter aldynda saiasatker judyryǵyn bir siltedi.
Oq atqan adamnyń sol jerde kózi joiyldy, sol siiaqty mitingke qatysqan kem degende bir adam qaza tapty.
Tramptyń ókili Stiven Chang málimdemesinde Donald Tramp aýrýhanada ekenin, dárigerler onyń jaǵdaiyn baqylaýda ustap otyrǵanyn aitty.
«Prezident Tramp quqyq qorǵaý organdary men tótenshe jaǵdailar qyzmetkerlerine qorqynyshty oqiǵa kezinde jyldam áreket etkeni úshin alǵys bildiredi. Onyń jaǵdaiy jaqsy, jergilikti aýrýhanada qaralýda», – dedi ol.
Aita keteiik, osy oqiǵany Qazaqstan Prezidenti Qasym-Jomart Toqaev qatań aiyptap, Donald Tramptyń tezirek jazylyp ketýin tiledi.
.jpg)