Singapýrda tarihta alǵash ret AQSh prezidenti Donald Tramp pen Soltústik Koreia kóshbasshysy Kim Chen Yn kezdesti. Shara eki memleket basshylarynyń qol alysýymen bastaldy, dep habarlaidy "Ult aqparat" TASS agenttigine silteme jasap.
Is-shara Sentoza kýrorttyq aralyndaǵy bes juldyzdy Capella qonaqúiinde ótip jatyr.
AQSh pen Soltústik Koreia basshylary aldymen bir-birin qol alysý arqyly jyly shyraimen qarsy alyp, jeke kezdesý úshin kelissózder bólmesine ketti. Aq úidiń málimetinshe, tek aýdarmashylardyń ǵana qatysýymen ótken júzdesý 48 minýtqa (Astana ýaqytymen 07.04-te bastaldy) sozyldy.
Endi olar keńeitilgen quramdaǵy kelissózderge qatysatyn bolady.
Donald Tramp pen Kim Chen Yn Singapýrǵa jeksenbi kúni keshkisin ushyp keldi jáne eldiń premer-ministrimen kezekpen kezdesti.
VVS-diń málimetinshe, sammittiń basty taqyryby KHDR-di iadrolyq qarýsyzdandyrý bolmaq. AQSh KHDR-diń iadrolyq qarýdan bas tartyp, oqtumsyqtardy úshinshi tarapqa berý protsesin bastaǵanyn qalaidy.
Phenian onyń ornyna ne talap etetini belgisiz. TsTAK Koreia aqparat agenttigi kezdesý aldynda habarlaǵandai, «jańa dáýir talaptaryna sai AQSh pen KHDR arasynda jańa qarym-qatynastardy ornatý» josparlanyp otyr.
