Foto: QR TSM
Qazaqstandyq taekvondoshy Nodira Ahmedova Álem chempionatynyń qola júldegeri atandy. Ol Ýside ótip jatqan álem birinshiliginde Qazaqstan quramasynyń qorjynyna qola júldeni saldy, dep habarlaidy Ult.kz.
49 kelige deiingi salmaq dárejesinde synǵa túsken Nodira Ahmedova jarysty jartylai finaldan aiaqtap, úzdik úshtikten kórindi. Jartylai finalda ol Qytailyq Taipei sportshysy Iu Iýn Liýge ese jiberdi.
Otandasymyz Nodira Ahmedova búgin Álem chempionatynda barlyǵy 4 kezdesý ótkizip, onyń úsheýinde jeńiske jetti.
Jarysqa ekinshi ainalymnan qosylǵan ol jartylai finalǵa deiin Braziliia, Kanada jáne Tailand sportshylarynan basym tústi.
Aita keterligi, bul Nodira Ahmedovanyń kásibi sporttaǵy eń úlken jetistigi jáne Qazaqstan áielder taekvondosyna Álem chempionatynan 18 jyldan keiin oralǵan tarihi medal. Áielder quramasy osyǵan deiin sońǵy ret 2007 jyly Qytaidyń Beijiń qalasynda ótken álem chempionatynda qola júldege qol jetkizgen.
