Foto:Qaz_team
Serbiianyń Novi-Sad qalasynda kúres túrlerinen 23 jasqa deiingi álem chempionatynda áielder kúresinan el qorjynyna alǵashqy altyn tústi. Bul týraly Stan.kz aqparat agenttigi habarlaidy.
Shuǵyla Ómirbek 55 kelide finalǵa deiin jetip, aqtyq synda túrkiialyq Týba Demirmen beldesti. Aita keteiik, Týba Demir birneshe jas sanatynda Eýropa chempiony. Altyn úshin tartysta otandasymyz Demirdi 12:8 esebimen jeńip, altynnan alqa taqty.
Bul áielder kúresinen Qazaqstan qorjynyna túsken alǵashqy tarihi altyn júlde.
Shuǵyla Ómirbek jarys barysynda moldovalyq álem chempiony Mihael Simondy 10:2 esebimen utty. Buǵan qosa jasóspirimder arasynda álem chempionatynyń kúmis júldegeri Aleksandra Voichileskýdi 3:1 upaiymen tize búktirdi. Al jartylai finalda Eýropa chempiony nemis qyzy Amori Andrihti 2:0 esebimen jeńgen edi.
Esterińizge salsaq, 2017 jyldan beri uiymdastyrylyp kele jatqan 23 jasqa deiingi jastar arasyndaǵy álem chempionatynda osy ýaqytqa deiin birde-bir arýymyz finalǵa deiin jetpegen.
