Búgin Almatydaǵy Qazaqstan Jazýshylary kitaphanasynda «Tarihi-ádebi ólketanýdy damytý» jobasyna qatysqan qalamgerler oqyrmandarmen kezdesti.
Aqyn-jazýshylarmen ádebi-tanymdyq júzdesýge joba qatysýshylary Qazaqstan Jazýshylar Odaǵynyń múshesi, jazýshy, jýrnalist, aýdarmashy Kádirbek Segizbaev, aqyn, aýdarmashy Qýanyshbai Qurmanǵaliev jáne I «Rýh» halyqaralyq onlain-ádebi konkýrsynyń «Úzdik ádebi syn» nominatsiiasynyń jeńimpazy, QR Prezidenti stipendiiasynyń iegeri, jas aqyn Bekzat Smadiiar qonaq bolyp keldi.
Qalamgerler oqyrmandarǵa jazyp jatqan shyǵarmalary jaily keńinen áńgimelep, «Tarihi-ádebi ólketanýdy damytý» jobasynyń mańyzdylyǵy týraly túsindirdi. Sonymen qatar jazýshy Kádirbek Segizbaev Almaty shaharynyń qurylý tarihy, ár jyldary basqarǵan basshylardyń eńbekteri jáne tabiǵatty saqtaý, ekologiia máselesin sóz etti. Aqyn Qýanyshbai Qurmanǵaliev HH ǵasyrdyń ekinshi jartysyndaǵy jastar ómiri men qala kelbeti týraly aitsa, al moderator, jas aqyn Bekzat Smadiiar atalǵan aitýly jobanyń mán-mańyzyn ashýǵa tyrysty.
Kesh qonaqtary oqyrmandardyń saýal-pikirlerine jaýap berip, kitaphana qoryna arnaiylap jeńe qoltańbasymen kitaptaryn tabystady.
