Foto: Pexels.com
Elimizde Kcell, Tele2, Beeline siiaqty úsh iri bailanys operatorlary jumys isteidi. Alaida sońǵy jyldary operatorlardyń qyzmetine bailanysty shaǵym kóp túsken. Ásirese tariftik baǵanyń qymbattaýy basty máselege ainalyp otyr, dep habarlaidy Ult.kz.
«Biz naryqty taldap, tarifterdiń ósip jatqanyn kórip otyrmyz. Sońǵy eki jylda bailanys operatorlarynyń barlyǵy derlik tarifterin kóterdi. Qazirgi ýaqytta biz olardyń arasynda baǵa boiynsha sóz bailasý faktisin tekserip jatyrmyz. Tarifterdiń bir mezette jáne jappai ósýi – básekelestik zańnamasynyń buzylýy bolýy múmkin, sondyqtan tergeý júrgizilýde»,-dedi Básekelestikti qorǵaý jáne damytý agenttigi tóraǵasynyń orynbasary Bolat Sambetov.
Sonymen qatar agenttik bir operatordyń monopoliialyq joǵary tarifterdi belgileýi múmkin ekenin anyqtady. Osyǵan bailanysty bólek tergeý júrgizilýi múmkin.
