Májilistiń jalpy otyrysynda depýtat Artýr Platonov Memleket basshysy Nursultan Nazarbaevtyń kommýnaldyq tarifterdi tómendetý jónindegi tapsyrmasy oryndalmai jatqanyn málimdedi, dep habarlaidy Baq.kz agenttigi.
«Nur Otan» fraktsiiasynyń depýtaty saýalyn QR premer-ministiriniń birinshi orynbasary Asqar Maminge joldady «Cizdiń atyńyzǵa saýal joldaýǵa elimizdiń ártúrli oblysyndaǵy kóptegen turǵyn men kásipkerdiń úndeýi sebep boldy. Olar prezidenttiń kommýnaldyq tarifterdi tómendetý jónindegi tapsyrmasynyń oryndalmai jatqanyn aitty», - dedi ol.
Sonymen qatar Artýr Platonov jergilikti halyq atalǵan máselege jaýaptylar endi tómendetilgen kommýnaldyq tarifter aqpa aiynyń kvitantsiiasynda kórsetiledi dep ýáde berip jatqandaryna qairan qalyp otyrǵanyn ashyq aitty.
Osy oraida ol Elbasynyń tapsyrmasy kommýnaldyq tarifterdi tómendetý jónindegi birneshe óńirde birden oryndalǵanyn atap ótti. Alaida soǵan qaramastan halyqtan kóp shaǵym túsip jatyr eken.
«QR Parlamenti Májilisindegi depýtattardyń saityna tarifterdiń ósip jatqany jóninde jii shaǵym túsýde», - dedi depýtat.
Keiin Artýr Platonov naqty mysaldarǵa toqtaldy.
«Aqtóbe oblysyndaǵy turǵyndarǵa jylýdyń 2 eselegen shoty kelgen. Azamattyń hatynan úzindi oqyp bereiin. «Qarasha aiynda biz eki bólmeli úidegi jylýǵa 4 myń teńge tóleitinbiz. Al jeltoqsan aiynda bizge 7 myń teńgeniń shoty keldi. Kommýnaldyq tarifterdiń 10%-ke tómendeitini qaida?», - delingen hatta. Atalǵan óńirdegi Aviaqalashyqtaǵy №10 úidiń turǵyndarynan: «Úide jylýdy esepteitin qural tur. Biraq ol úide joq siiaqty. Jylýǵa qomaqty qarjy tóleimiz. Tariftiń baǵasy – 155,70 teńge. Bul qaidan alynǵan baǵa? Qarashada jylýdyń baǵasy – 70,09 teńge boldy, al jeltoqsanda – 112,22 teńge. Nege?» delingen hattar keldi», - deidi ol.
Sonymen qatar depýtat Almaty oblysy, Qapshaǵai turǵynynyń hatyn oqyp berdi.
«Elektr energiiasynyń 1 kilovaty – 16 teńge 65 tiyn. Al 2019 jyldyń 1-qańtarynan ol 16 teńge 53 tiyn boldy. Sonda elektr energiiasy tipti 1 teńgege emes, bar bolǵany 12 tiynǵa tiynǵa arzandaǵan ǵoi? Al Aqmola oblysynyń turǵyndary men oryndy jalǵa alatyn kásipkerlerden de hat keldi. Olar barlyq kommýnaldyq tólemniń nege qymbattap jatqanyna qatysty jergilikti kásiporynǵa hat joldapty. Olar «Men tarifterdi kóterý jóninde ótinish berdim. Monopoliiaǵa qarsy komitet bekitti» degen jaýap alǵan», - deidi Platonov.
Keiin ol kommýnaldyq tarifterdiń baǵasy qashan naqty tómendeitinin aita kele, Úkimet basshysynyń birinshi orynbasaryna atalǵan máseleni erekshe baqylaýdy ustaý qajettigin atap ótti.
«Asqar Uzaqbaiuly, joǵaryda aitylǵan talaptardy eskere kele, ókiletti organǵa (Ulttyq ekonomika ministrligi), anyǵynda QR UEM Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetine tarif qurý máselesin retteýdi, Elbasynyń tapsyrmasyn erekshe baqylaý ustaýǵa mindetteýdi suraimyn», - dep túiindedi sózin Artýr Platonov.
