Almatyda balabaqsha tárbieshisiniń balalardy qulaǵynan burap, jekigeni videokameralarǵa túsip qalǵan, dep habarlaidy "Ult aqparat".
Beinekadrda tárbieshi oryndyqta ainala otyrǵan balalardyń birin qulaǵynan burap, basqa bólmege qýyp shyqqan. Az ýaqyttan soń ekinshi balany da solai kelesi bólmege qamady.
Qalalyq bilim basqarmasynyń habarlaýynsha, bul oqiǵa №7 balabaqshada bolǵan. Qazir tekserý jumystaryn júrgizý úshin arnaiy komissiia qurylǵan.
«Bul derek boiynsha laýazymdy tulǵalardyń bárine qatysty zańǵa sáikes shara qabyldanatyn bolady. Kadr syrtyndaǵy daýys baqsha meńgerýshisiniń daýsy ma ol jaǵy belgisiz. Zań aldynda bári birdei. Tekserý nátijesi týraly keiinirek aitatyn bolamyz», - dedi qalalyq bilim berý basqarmasynyń baspasóz hatshysy Qýandyq Eshimet.
