Tarbaǵataidaǵy qasqyrly aýyldyń turǵyndaryna qarý ustaýǵa ruqsat berildi, dep habarlaidy "Ult aqparat".
Eske salaiyq, Shyǵys Qazaqstan oblysynyń Tarbaǵatai aýdanyna qaraityn Ahmetbulaq aýylynda bir úidiń 70 bas qoiyn qasqyr qyryp tastaǵan edi. Bul oqiǵa shamamen bir aidai ýaqyt buryn boldy. Sol kezde turǵyndar qarýlary bola tura, qasqyrǵa oq ata almaityndaryn aityp, aryzdanǵan edi. Sebebi ruqsat joq. Al qazirgi ýaqytta atalmysh aýyldyń eki turǵyny qasqyr atýǵa múmkindik aldy. Biraq onyń da belgili bir sharttary bar.
– Shekara shebindegi aýyldarda turatyn myltyǵy bar 15 turǵynǵa qasqyr atýǵa ruqsat berildi. Aýdandyq prokýratýra, politsiia, Ulttyq qaýipsizdik komiteti jáne shekara qyzmetkerlerimen kelise otyryp, osyndai sheshimge keldik. Atap aitar bolsaq, Jańaaýyl aýyldyq okrýgine qaraityn Jańatalaptan 8, Ahmetbulaqtan 2 qarýy bar adam ruqsat aldy. Biraq olar qasqyr ataýlynyń izine túsip, shetinen qyra bermeidi. Belgili bir sharttary bar. Olarǵa túsindirildi. Máselen, qasqyr shekaradan beri ótkende ǵana oq atady, – dedi Tarbaǵatai aýdanynyń ákimi Serikqazy Sadýaqasov.
