تارباعاتايداعى قاسقىرلى اۋىلدىڭ تۇرعىندارىنا قارۋ ۇستاۋعا رۇقسات بەرٸلدٸ, دەپ حابارلايدى "ۇلت اقپارات".
ەسكە سالايىق, شىعىس قازاقستان وبلىسىنىڭ تارباعاتاي اۋدانىنا قارايتىن احمەتبۇلاق اۋىلىندا بٸر ٷيدٸڭ 70 باس قويىن قاسقىر قىرىپ تاستاعان ەدٸ. بۇل وقيعا شامامەن بٸر ايداي ۋاقىت بۇرىن بولدى. سول كەزدە تۇرعىندار قارۋلارى بولا تۇرا, قاسقىرعا وق اتا المايتىندارىن ايتىپ, ارىزدانعان ەدٸ. سەبەبٸ رۇقسات جوق. ال قازٸرگٸ ۋاقىتتا اتالمىش اۋىلدىڭ ەكٸ تۇرعىنى قاسقىر اتۋعا مٷمكٸندٸك الدى. بٸراق ونىڭ دا بەلگٸلٸ بٸر شارتتارى بار.
– شەكارا شەبٸندەگٸ اۋىلداردا تۇراتىن مىلتىعى بار 15 تۇرعىنعا قاسقىر اتۋعا رۇقسات بەرٸلدٸ. اۋداندىق پروكۋراتۋرا, پوليتسييا, ۇلتتىق قاۋٸپسٸزدٸك كوميتەتٸ جەنە شەكارا قىزمەتكەرلەرٸمەن كەلٸسە وتىرىپ, وسىنداي شەشٸمگە كەلدٸك. اتاپ ايتار بولساق, جاڭااۋىل اۋىلدىق وكرۋگٸنە قارايتىن جاڭاتالاپتان 8, احمەتبۇلاقتان 2 قارۋى بار ادام رۇقسات الدى. بٸراق ولار قاسقىر اتاۋلىنىڭ ٸزٸنە تٷسٸپ, شەتٸنەن قىرا بەرمەيدٸ. بەلگٸلٸ بٸر شارتتارى بار. ولارعا تٷسٸندٸرٸلدٸ. مەسەلەن, قاسقىر شەكارادان بەرٸ ٶتكەندە عانا وق اتادى, – دەدٸ تارباعاتاي اۋدانىنىڭ ەكٸمٸ سەرٸكقازى سادۋاقاسوۆ.
