Foto: Polisia.kz
Tarazǵa iri kólemde esirtki jetkizbek bolǵan kúdikti ustaldy, – dep habarlaidy "Ult aqparat" Polisia.kz-ke silteme jasap.
Portal málimetinshe, Jambyl oblysy PD esirtki qylmysyna qarsy is-qimyl basqarmasynyń qyzmetkerleri aldyn ala uiymdastyrylǵan arnaiy operatsiia barysynda esirtki zattaryn ótkizetin taǵy bir arnanyń jolyn kesken.
"13 qańtarda Merki aýdanynyń 48 jastaǵy turǵyny ustaldy. Ol Taraz qalasyna iri kólemde esirtki jetkizýdi josparlaǵan.
Kúdiktiniń turǵylyqty jeri boiynsha jedel-izdestirý is-sharalaryn júrgizý kezinde jertóleden jalpy salmaǵy 5 keli 864 gramm gashish jáne jalpy salmaǵy 1 keli 280 gramm keptirilgen marihýana esirtkisi tabyldy. Sondai-aq jeke basyn tintý barysynda kúdiktiden salmaǵy 14 gramm gashish esirtkisi tabylyp, tárkilendi" - delingen habarlamada.
– Tárkilengen esirtki quraldarynyń jalpy salmaǵy 5 keli 878 gramm gashish pen 1 keli 280 gramm marihýanany quraidy. Atalǵan derekke qatysty QR QK-niń 297-babynyń 3-bóligi (Esirtki, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, iemdený, saqtaý, tasymaldaý, jóneltý ne ótkizý) boiynsha sotqa deiingi tergeý amaldary bastaldy, – dep habarlady oblystyq PD esirtki qylmysyna qarsy is-qimyl basqarmasynyń bastyǵy Álim Bajyqbaev.
Kúdiktiniń múlki tárkilenip, 10 jyldan 15 jylǵa deiingi merzimge bas bostandyǵynan aiyrý túrindegi jaza qarastyrylýy múmkin.
