Taraz qalasyndaǵy «Dostyq» ortalyq alańyna Qazaqstannyń Tuńǵysh Prezidenti Nursultan Nazarbaevtyń esimi berildi, dep habarlaidy "Ult aqparat".
Tiisti qaýly «Ádilet» normativtik quqyqtyq aktileriniń aqparattyq-quqyqtyq júiesiniń portalynda jariialanǵan. Qujat mátininde aýmaq halqynyń pikiri eskerilgeni jáne 2019 jylǵy 24 mamyrdaǵy QR Úkimeti janyndaǵy Respýblikalyq onomastika komissiiasynyń qorytyndysy bolǵany aitylǵan. Onyń negizinde Jambyl oblysynyń ákimdigi qaýly etip, óńirlik máslihat Taraz qalasynyń «Dostyq» alańyn« Nursultan Nazarbaevtyń» esimimen qaita ataý týraly sheshim qabyldaǵan.
«Osy normativtik quqyqtyq akti ádilet organdarynda memlekettik tirkelgen kúnnen bastap kúshine enedi jáne alǵash resmi jariialanǵan kúnnen keiin kúntizbelik on kún ótken soń qoldanysqa engiziledi», - delingen qujatta.
