Tarazdyqtar Jambyl oblysynyń Baizaq aýdanynda jarylys saldarynan qaza bolǵan qutqarýshylardyń qurmetine gúl qoiyp jatyr, dep habarlaidy QazAqparat.
Oblystyq tótenshe jaǵdailar depatamentiniń Instagram paraqshasynda estelik buryshynyń mekenjaiy jariialandy.
«Aza tutý rásimi Taraz qalasynyń №1 Mamandandyrylǵan órt sóndirý bóliminiń aýmaǵynda ótti. Qaharmandarǵa áriptesteri, týǵan-týystary men qalamyzdyń janashyr turǵyndary qurmet kórsetýge jinaldy.
Qaiǵyly oqiǵa bizdiń 5 úzdik áriptesimizdiń, kásibi mamandardyń ómirin qidy. Marqumdar áriptesteri men dostarynyń júreginde saqtalary sózsiz. Tótenshe jaǵdailar departamentiniń ujymy atalǵan qaiǵyly oqiǵadan zardap shekkenderdiń otbasylaryna qaiǵyryp kóńil aitady. Olardyń esimi kóńilderde máńgilik saqtalady.
Estelik buryshtary Taraz qalasy, Jeltoqsan kóshesi 13, Taraz qalasy, Qarataý shaǵyn aýdany 42, № 1 mekenjailarynda ornalasqan», - dep jazylǵan. departamenttiń málimetinde.
