Otbasynyń jeke muraǵatynan alynǵan sýret
Londonda ótken aǵylshyn tili olimpiadasynda tarazdyq oqýshy Ihsan Ilesov altyn medal jeńip aldy. Odan bólek, qazaqstandyq jasóspirimderdiń enshisinde 1 kúmis, 1 qola medal bar, - dep habarlaidy Tengrinews.kz.
"Tórt ulym bar, Ihsan úshinshisi. Ekinshi balam men úshinshi balamnyń jas aiyrmashylyǵy 10 jas. Ihsannyń aǵylshyn tilin jetik bilýine Sarykemer aýylynda aǵylshyn tili muǵalimi bolyp jumys isteitin úlken ulymnyń eńbegi zor. Al ekinshi balam Qyzylorda qalasyndaǵy "Bilim-Innovatsiia" litseiinde jumys isteidi jáne Qorqyt ata atyndaǵy Qyzylorda memlekettik ýniversitetinde biologiia mamandyǵy boiynsha oqýyn aiaqtaidy", - deidi jetinshi synyp oqýshysynyń anasy Lázzat Ilesova.
Ihsan Ilesov Tarazdaǵy jekemenshik mektepterdiń birinde oqidy. Aitýynsha, til olimpiadasy ol úshin úlken synaq bolypty. Ár kezeń saiyn berilgen tapsyrmalardyń deńgeii qiyndai bergen eken.
Halyqaralyq jasóspirimder olimpiadasy tamyz aiynyń basynda bastalyp, 5 kúnge sozyldy.
Video: Tengrinews.kz
