Tarazdyq eriktiler soǵys ardagerlerin quttyqtady, dep habarlaidy "Ult aqparat" oblys ákiminiń baspasóz qyzmetine silteme jasap.
Tarazdyq eriktiler avtokran arqyly 98 jastaǵy Musahan Berdibaev pen 94 jastaǵy Mútálip Erejepbaevtyń balkondaryna deiin kóterilip, olarǵa gúl shoqtaryn syilady. Jastar soǵys ardagerlerine búgingi beibit kún úshin alǵystaryn bildirse, qart maidangerler óz kezeginde taǵylymdy batasyn berdi.
Aita keteiik, óńirde ardagerlerge qurmet pen rizashylyq bildirý munymen tolastamaidy.
«Jeńis kúnine orai oblystaǵy 57 ardagerge million teńge kóleminde áleýmettik kómek kórsetildi. Tyl eńbekkerleri de nazardan tys qalǵan joq. Soǵys jyldarynda tylda 6 aidan astam jumys istegen 4247 adam 50 myń teńgeden aldy. Sondai-aq, ekinshi dúniejúzilik soǵysqa qatysýshylardyń 350 jesiri men múgedekteriniń áielderi de osyndai kólemde áleýmettik kómekke qol jetkizdi. Al, Leningrad blokadasynda bolǵandar men kontslagerlerdiń burynǵy tutqyndaryna 60 myń teńgeden tólendi»,-delingen baspasóz qyzmetiniń habarlamasynda.
Sonymen qatar, aimaqtaǵy Ekinshi dúniejúzilik soǵystyń qatysýshylary men múgedekterine teńestirilgen adamdar 100 myń teńge kóleminde birjolǵy áleýmettik kómek alǵan.
Jalpy, oblys boiynsha barlyǵy 6650 adamǵa bir rettik áleýmettik kómek kórsetý úshin 500 mln. teńgeden astam qarajat qarastyrylǵan.
