تارازدىق ەرٸكتٸلەر سوعىس ارداگەرلەرٸن قۇتتىقتادى, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
تارازدىق ەرٸكتٸلەر اۆتوكران ارقىلى 98 جاستاعى مۇساحان بەردٸباەۆ پەن 94 جاستاعى مٷتەلٸپ ەرەجەپباەۆتىڭ بالكوندارىنا دەيٸن كٶتەرٸلٸپ, ولارعا گٷل شوقتارىن سىيلادى. جاستار سوعىس ارداگەرلەرٸنە بٷگٸنگٸ بەيبٸت كٷن ٷشٸن العىستارىن بٸلدٸرسە, قارت مايدانگەرلەر ٶز كەزەگٸندە تاعىلىمدى باتاسىن بەردٸ.
ايتا كەتەيٸك, ٶڭٸردە ارداگەرلەرگە قۇرمەت پەن ريزاشىلىق بٸلدٸرۋ مۇنىمەن تولاستامايدى.
«جەڭٸس كٷنٸنە وراي وبلىستاعى 57 ارداگەرگە ميلليون تەڭگە كٶلەمٸندە ەلەۋمەتتٸك كٶمەك كٶرسەتٸلدٸ. تىل ەڭبەككەرلەرٸ دە نازاردان تىس قالعان جوق. سوعىس جىلدارىندا تىلدا 6 ايدان استام جۇمىس ٸستەگەن 4247 ادام 50 مىڭ تەڭگەدەن الدى. سونداي-اق, ەكٸنشٸ دٷنيەجٷزٸلٸك سوعىسقا قاتىسۋشىلاردىڭ 350 جەسٸرٸ مەن مٷگەدەكتەرٸنٸڭ ەيەلدەرٸ دە وسىنداي كٶلەمدە ەلەۋمەتتٸك كٶمەككە قول جەتكٸزدٸ. ال, لەنينگراد بلوكاداسىندا بولعاندار مەن كونتسلاگەرلەردٸڭ بۇرىنعى تۇتقىندارىنا 60 مىڭ تەڭگەدەن تٶلەندٸ»,-دەلٸنگەن باسپاسٶز قىزمەتٸنٸڭ حابارلاماسىندا.
سونىمەن قاتار, ايماقتاعى ەكٸنشٸ دٷنيەجٷزٸلٸك سوعىستىڭ قاتىسۋشىلارى مەن مٷگەدەكتەرٸنە تەڭەستٸرٸلگەن ادامدار 100 مىڭ تەڭگە كٶلەمٸندە بٸرجولعى ەلەۋمەتتٸك كٶمەك العان.
جالپى, وبلىس بويىنشا بارلىعى 6650 ادامعا بٸر رەتتٸك ەلەۋمەتتٸك كٶمەك كٶرسەتۋ ٷشٸن 500 ملن. تەڭگەدەن استام قاراجات قاراستىرىلعان.
