Taraz qalasynda zergerlik salonynan 25 million teńgeniń altynyn urlap ketken kúdikti ustaldy, - dep habarlaidy "Ult aqparat".
Taraz qalasyndaǵy zergerlik dúkeniniń birine qabyrǵasyn buzyp kirip, 25 000 000 teńge kólemindegi altyn buiymdardyń basym bóligin alyp shyqqan ury qolǵa tústi. Zergerlik dúkenniń ishine buzyp kirý tásilin qoldanǵandyqtan oblys ortalyǵynyń turǵyndary bul qylmysty «italiansha tonaý» dep ataǵan edi.
Júrgizilgen jedel-izdestirý is-sharalarynyń nátijesinde Taraz qalasy Politsiia basqarmasynyń 1-politsiia bólimi kriminaldyq politsiia bólimshesiniń qyzmetkerleri kúdiktini ustady. Ol Qaraǵandy oblysynyń buryn sotty bolǵan 49 jastaǵy turǵyny bolyp shyqty. Atalǵan derekke qatysty QR QK 188-baby 3-bóligi (urlyq) boiynsha sotqa deiingi tergeý amaldary júrgizilýde. Bul týraly oblystyq politsiia departamenti habarlady.
Osyǵan orai, «Domino» zergerlik salonynyń direktory Marina Sedova Taraz qalasy Politsiia basqarmasynyń 1-politsiia bólimi jedel tobyna zergerlik salondy tonaý deregin ashqany úshin shynaiy rizashylyǵyn bildirgen.
«Jedel toptyń úilesimdi jáne joǵary kásibi jumysynyń nátijesinde qylmysker ustaldy. Sizderdiń qajyrly eńbegińiz, quzyrettiligińiz, durys sheshim qabyldaý qabiletterińiz barlyq qurmetke laiyq. Saýatty jáne kásibi uiymdastyrylǵan operatsiia úshin Taraz qalasy Politsiia basqarmasynyń 1-politsiia bólimi basshylyǵyna úlken alǵysymdy bildiremin», - deidi ol.
